Эерэг мэдээллийг эн тэргүүнд
Эрдэнэт-Овоо: 
Улаанбаатар: 
USD | 3408
EUR | 3510
CNY | 465.3
RUB | 28.94
JPY | 21.82
KRW | 2.27
Гүржийн эрх баригчид Европын холбоог дэмжигчдийн жагсаалыг хүчээр дарахын тулд олон зуун хүнийг баривчилжээ
Гүржийн Европын холбоонд элсэх олон жилийн оролдлогыг хойшлуулах засгийн газрын шийдвэрийг эсэргүүцсэн жагсаалын үеэр 400 гаруй хүн баривчлагдсан болохыг эрх баригчид болон эрхийн байгууллагууд мэдээлжээ.
Эдгээрээс 30 орчим нь эрүүгийн хэрэгт татагдаад байгаа бөгөөд голдуу засгийн газрыг унагах зорилготой “бүлэглэн хүчирхийлэл үйлдсэн” гэх хэргээр буруутгагдсан байна. Шоронд хоригдож буй хүмүүсийн дунд тус улсын Европын холбоог дэмжигч сөрөг хүчний хоёр удирдагч байгаа юм.
ЗХУ-ын бүрэлдэхүүнд байсан орнуудын дунд хамгийн барууны үзэлтэй, ардчилсан улс гэгддэг Гүржид жагсаал цуглааныг ийм байдлаар дарж буй нь сүүлийн жилүүдэд тохиолдоогүй үйл явдал болохыг хүний эрхийн байгууллагууд тэмдэглэв.
Жагсаалын үеэр зарим эсэргүүцэгч нулимс асгаруулагч хий, бороохойноос өөрсдийгөө хамгаалахын тулд цагдаа нар руу салют болон бусад зүйлсийг шидэлж байсан бөгөөд үүний улмаас 150 гаруй цагдаа шархадсан болохыг Дотоод хэргийн яам даваа гарагт мэдэгджээ.
Барууны орнууд энэхүү хэлмэгдүүлэлтийг буруушааж байгаа ба Гүржид суугаа ЕХ-ны элчин сайд тус улсын эсрэг хориг арга хэмжээ авах нь зүйтэй гэж даваа гарагт мэдэгдсэн байна.
Мягмар гарагт Гүржийн хүний эрхийн омбудсмен, сөрөг хүчний улс төрч асан Леван Иоселиани түүний ажлын алба 327 хоригдолтой уулзсаны 225 нь тэдэнтэй зүй бусаар харьцсан талаар мэдүүлж, 157 нь ил харагдах шархтай байсан талаар мэдэгджээ.
Сүүлийн өдрүүдэд сөрөг хүчний улс төрчид, идэвхтнүүд болон зарим сэтгүүлчид рүү баг зүүсэн хар хувцастай бүлэг хүмүүс халдаж эхэлснийг дотоодын хэвлэлүүд мэдээлсэн байна.
Эдгээр халдлагад Гүржийн эрх баригчдыг буруутгаж байгаа ч тэд буруутгалыг үгүйсгэж, “Гүржийн мөрөөдөл” намыг буруутгахын тулд сөрөг хүчнийхэн үүнийг хийсэн гэж үзэж байна.
Аравдугаар сард болсон сонгуульд ялсан “Гүржийн мөрөөдөл” нам өнгөрсөн сард 2028 он хүртэл ЕХ-нд элсэх тухай хэлэлцээрийг хойшлуулж байгаагаа зарласнаар 3,7 сая хүн амтай тус улсад олон нийтийн эсэргүүцлийг өдөөсөн юм.
Эх сурвалж: Reuters
Гүржийн Европын холбоонд элсэх олон жилийн оролдлогыг хойшлуулах засгийн газрын шийдвэрийг эсэргүүцсэн жагсаалын үеэр 400 гаруй хүн баривчлагдсан болохыг эрх баригчид болон эрхийн байгууллагууд мэдээлжээ.
Эдгээрээс 30 орчим нь эрүүгийн хэрэгт татагдаад байгаа бөгөөд голдуу засгийн газрыг унагах зорилготой “бүлэглэн хүчирхийлэл үйлдсэн” гэх хэргээр буруутгагдсан байна. Шоронд хоригдож буй хүмүүсийн дунд тус улсын Европын холбоог дэмжигч сөрөг хүчний хоёр удирдагч байгаа юм.
ЗХУ-ын бүрэлдэхүүнд байсан орнуудын дунд хамгийн барууны үзэлтэй, ардчилсан улс гэгддэг Гүржид жагсаал цуглааныг ийм байдлаар дарж буй нь сүүлийн жилүүдэд тохиолдоогүй үйл явдал болохыг хүний эрхийн байгууллагууд тэмдэглэв.
Жагсаалын үеэр зарим эсэргүүцэгч нулимс асгаруулагч хий, бороохойноос өөрсдийгөө хамгаалахын тулд цагдаа нар руу салют болон бусад зүйлсийг шидэлж байсан бөгөөд үүний улмаас 150 гаруй цагдаа шархадсан болохыг Дотоод хэргийн яам даваа гарагт мэдэгджээ.
Барууны орнууд энэхүү хэлмэгдүүлэлтийг буруушааж байгаа ба Гүржид суугаа ЕХ-ны элчин сайд тус улсын эсрэг хориг арга хэмжээ авах нь зүйтэй гэж даваа гарагт мэдэгдсэн байна.
Мягмар гарагт Гүржийн хүний эрхийн омбудсмен, сөрөг хүчний улс төрч асан Леван Иоселиани түүний ажлын алба 327 хоригдолтой уулзсаны 225 нь тэдэнтэй зүй бусаар харьцсан талаар мэдүүлж, 157 нь ил харагдах шархтай байсан талаар мэдэгджээ.
Сүүлийн өдрүүдэд сөрөг хүчний улс төрчид, идэвхтнүүд болон зарим сэтгүүлчид рүү баг зүүсэн хар хувцастай бүлэг хүмүүс халдаж эхэлснийг дотоодын хэвлэлүүд мэдээлсэн байна.
Эдгээр халдлагад Гүржийн эрх баригчдыг буруутгаж байгаа ч тэд буруутгалыг үгүйсгэж, “Гүржийн мөрөөдөл” намыг буруутгахын тулд сөрөг хүчнийхэн үүнийг хийсэн гэж үзэж байна.
Аравдугаар сард болсон сонгуульд ялсан “Гүржийн мөрөөдөл” нам өнгөрсөн сард 2028 он хүртэл ЕХ-нд элсэх тухай хэлэлцээрийг хойшлуулж байгаагаа зарласнаар 3,7 сая хүн амтай тус улсад олон нийтийн эсэргүүцлийг өдөөсөн юм.
Эх сурвалж: Reuters
#Гүрж, #Гүржийн мөрөөдөл, #Европыг дэмжигч эсэргүүцлийн жагсаал,
Санал болгох
Дээш