Олон хоног үргэлжлэн орсон аадар борооны улмаас Европын төв хэсэгт хэд хэдэн хэсэгт гол мөрөн эргээсээ хальж үерлэсний улмаас найман хүн амиа алдаж, Чех улсад олон мянган хүнийг нүүлгэн шилжүүлэхэд хүрчээ.

Борис шуурганы улмаас Австриас Румын хүртэл өргөн уудам бүс нутагт аадар бороо орсноор Чех, Польшийн бүс нутгууд сүүлийн гучин жилд тохиогоогүй хүчтэй үерт автаад байна.

Ням гарагт бороо багассан ч Румынд дор хаяж даваа гарагийг дуустал хүчтэй салхи, бороо үргэлжлэн орох төлөвтэй байна.

Амралтын өдрүүдэд олон мянган байшин эвдэрч, зам гүүрүүд үерт урсаж, голдуу Чех улсад 250,000 айл өрх цахилгааны хязгаарлалтад өртжээ.

Ням гарагт Польшийн баруун өмнөд хэсэгт нэг хүн живж, Австрид аврах ажиллагаанд оролцож байсан гал сөнөөгч, Румынд бямба гарагт дөрөв, ням гарагт хоёр хүн амиа алдсан байна

Эрх баригчид Вена хотыг тойрсон Доод Австри мужийг гамшгийн бүс гэж зарлаж, шаардлагагүй тохиолдолд тийшээ зорчихоос байхыг анхааруулжээ.

Чехийн хилийн ойролцоох Польшийн түүхт Глуколазы хотод гүүр нурж, орон нутгийн албаныхан ням гарагийн үүрээр нүүлгэн шилжүүлэлт зарласан байна. Мөн Польшийн цаг уурын хүрээлэнгийн мэдээлснээр далан сэтэрсэн Строни Сласки уулын хотод нэг гүүр нуржээ.

Польшийн Ерөнхий сайд Дональд Туск гамшгийн байдал зарлаж, Европын холбооноос тусламж хүсэхээ мэдэгдсэн байна.

Хөрш Чех улсын нийслэл Прага хотоос зүүн тийш 235 км зайд орших Липова-лазне тосгоны орчимд лхагва гарагаас хойш 500 мм хур тунадас орж, ойролцоох Старич голд гурван зорчигчтой автомашин усанд урссаныг цагдаа нар хайж байгаа аж.

Онцгой байдлын албаныхан Липова-лазнед гацсан хүмүүсийг нисдэг тэргээр нүүлгэн шилжүүлсэн байна. Тус улсад нийтдээ 10 мянга гаруй хүнийг нүүлгэн шилжүүлсэн гэж Гал түймрийн албаны дарга Чехийн телевизээр ярьжээ.

Унгарын нийслэл Будапешт хотод албаны хүмүүсийн анхааруулснаар Дунай мөрний түвшин энэ долоо хоногийн хоёрдугаар хагаст 2013 онд 8.91 метрт хүрч байсан өмнөх дээд амжилтад ойртож 8.5 метрт хүрэх төлөвтэй байна.

Эх сурвалж: Reuters

Олон хоног үргэлжлэн орсон аадар борооны улмаас Европын төв хэсэгт хэд хэдэн хэсэгт гол мөрөн эргээсээ хальж үерлэсний улмаас найман хүн амиа алдаж, Чех улсад олон мянган хүнийг нүүлгэн шилжүүлэхэд хүрчээ.

Борис шуурганы улмаас Австриас Румын хүртэл өргөн уудам бүс нутагт аадар бороо орсноор Чех, Польшийн бүс нутгууд сүүлийн гучин жилд тохиогоогүй хүчтэй үерт автаад байна.

Ням гарагт бороо багассан ч Румынд дор хаяж даваа гарагийг дуустал хүчтэй салхи, бороо үргэлжлэн орох төлөвтэй байна.

Амралтын өдрүүдэд олон мянган байшин эвдэрч, зам гүүрүүд үерт урсаж, голдуу Чех улсад 250,000 айл өрх цахилгааны хязгаарлалтад өртжээ.

Ням гарагт Польшийн баруун өмнөд хэсэгт нэг хүн живж, Австрид аврах ажиллагаанд оролцож байсан гал сөнөөгч, Румынд бямба гарагт дөрөв, ням гарагт хоёр хүн амиа алдсан байна

Эрх баригчид Вена хотыг тойрсон Доод Австри мужийг гамшгийн бүс гэж зарлаж, шаардлагагүй тохиолдолд тийшээ зорчихоос байхыг анхааруулжээ.

Чехийн хилийн ойролцоох Польшийн түүхт Глуколазы хотод гүүр нурж, орон нутгийн албаныхан ням гарагийн үүрээр нүүлгэн шилжүүлэлт зарласан байна. Мөн Польшийн цаг уурын хүрээлэнгийн мэдээлснээр далан сэтэрсэн Строни Сласки уулын хотод нэг гүүр нуржээ.

Польшийн Ерөнхий сайд Дональд Туск гамшгийн байдал зарлаж, Европын холбооноос тусламж хүсэхээ мэдэгдсэн байна.

Хөрш Чех улсын нийслэл Прага хотоос зүүн тийш 235 км зайд орших Липова-лазне тосгоны орчимд лхагва гарагаас хойш 500 мм хур тунадас орж, ойролцоох Старич голд гурван зорчигчтой автомашин усанд урссаныг цагдаа нар хайж байгаа аж.

Онцгой байдлын албаныхан Липова-лазнед гацсан хүмүүсийг нисдэг тэргээр нүүлгэн шилжүүлсэн байна. Тус улсад нийтдээ 10 мянга гаруй хүнийг нүүлгэн шилжүүлсэн гэж Гал түймрийн албаны дарга Чехийн телевизээр ярьжээ.

Унгарын нийслэл Будапешт хотод албаны хүмүүсийн анхааруулснаар Дунай мөрний түвшин энэ долоо хоногийн хоёрдугаар хагаст 2013 онд 8.91 метрт хүрч байсан өмнөх дээд амжилтад ойртож 8.5 метрт хүрэх төлөвтэй байна.

Эх сурвалж: Reuters

#Польш, #Румын, #Чех, #үерийн гамшиг, #төв Европ,

Санал болгох

Орост сүүлийн өдрүүдэд галдан шатаах оролдлого нэмэгджээ

Трамп Панамын сувгийн хяналтыг эргүүлэн авна гэж сүрдүүлэв

Белград хотод хэдэн арван мянган хүн засгийн газрынхаа эсрэг жагсжээ