Ж.Энхжаргалан: “Tsetse vs Bilgee” тоглолтод зочин 29 уран бүтээлч оролцохоос гадна Tsetse 37 дуу дуулна

XMF 2024 “Tsetse vs Bilgee” тоглолт есдүгээр сарын 7-нд Төв цэнгэлдэх хүрээлэнд болох юм. Тус тоглолтын талаар ерөнхий продюсер Ж.Энхжаргалан, рэппер Н.Цэцэнбилэг нар мэдээлэл өглөө.

Продюсер Ж.Энхжаргалан хэлэхдээ “Tsetse vs Bilgee” тоглолтод зочин 29 уран бүтээлч оролцоно. Тухайлбал, "Vanquish" хамтлаг, дуучин Ука, Анхмаа, зочин артистаар VANDEBO, GINJIN гэх мэт.

Реппер Цэцэ анх 2004 онд "Vanquish" хамтлаг байгуулж, Монголын хип хоп урлагт хөл тавьсан билээ. Тэрээр дөрвөн цомог, хоёр тоглолт хийсэн.

Тасалбарын хувьд энгийн нь 69 мянга, найзуудын тасалбар 200 мянга, fanzone буюу тайз ойроос харах тасалбар 109 мянга, VIP тасалбар нь 550 мянган төгрөг байна. Тоглолтын зохион байгуулалт маш сайн байна гэдгийг тодотгож хэлье. Тухайлбал, ариун цэвэр, харуул хамгаалалт, аюулгүй байдал, орц гарцны асуудалд олон талаас нь шийдсэн.

Тухайн өдөр цэнгэлдэхийн хаалгыг 14:00 цагт нээх бөгөөд үндсэн артист Н.Цэцэнбилэг маань 37 дуу дуулна" гэлээ.

XMF гэж юу вэ?

- Сүүлийн найман жил тасралтай явж байгаа хөгжмийн наадам. 

- Өнгөрсөн жил буюу 2023 онд "Опозит" хамтлагийн тоглолтоор үзэгчдэд бэлэг барьсан.

- Тайз дэлгэцийн хувьд хамгийн өндөр чанарыг үзүүлдэг.

- Байгальд ээлтэй хүмүүнлэгиийн ажлыг хамтатгадаг гэдгээрээ онцлог наадам.