Маргааш "Цусаа бэлэглэх өдөр"-ийг тэмдэглэнэ

Гэрэл зургийг MPA.mn

2015 оны дөрөвдүгээр сараас эхлэн цус цусан бүтээгдэхүүний хангамжийг сайжруулах, донорын үйлсийг сурталчлах, алдаршуулах зорилгоор сар бүрийн 3-ныг "Цусаа бэлэглэх өдөр" болгосон. 

2024 оны долоодугаар сарын 3-ны Лхагва гарагийн 11:00 цагт энэ өдрийг 112 дахь удаагаа тэмдэглэх гэж байна.

Энэ удаагийн арга хэмжээг Үнэртэй усанд дурлагсдын клуб, Tulip Beauty, Ulker Mongolia хамтран зохион байгуулах юм. 

Иргэд, цусны доноруудыг Улсын хоёрдугаар төв эмнэлгийн хашаан дотор байрлах "Баянзүрх" цус цуглуулах төв буюу Цус сэлбэлт судлалын үндэсний төв байранд очиж цусаа өгөхийг уриалж байна гэж Цус сэлбэлт судлалын үндэсний төвөөс мэдээллээ. 

"Tulip Beauty" компаниас энэ өдөр ирж цусаа өгсөн донор бүрт үнэртний дээж бэлэглэх аж.