ДЭЛХИЙН МЭДЭЭ

Жо Байден бэлгийн дарамтын үзүүлсэн хэрэгт ороод байгаа Нью-Йоркийн захирагчийг огцрохыг шаарджээ

2021-08-04

Жо Байден Нью-Йорк мужийн захирагч Эндрю Куомог 11 эмэгтэйд бэлгийн дарамт үзүүлсэн болохыг тогтоосны дараа албан тушаалаасаа огцрохыг шаарджээ.

Куомо нь Нью-Йоркийн гурван удаагийн захирагч Марио Куомогийн хүү бөгөөд тахлын дэгдэлтийн эхний саруудад өдөр бүр телевизээр мэдээлэл хийж улс төрийн “од” болсон боловч асрамжийн газарт нас барсан хүний тоог буруу мэдээлсэн хэмээн буруутгагдаж байсан юм.

Түүний туслахаар ажиллаж байсан хоёр хүн өнгөрсөн жил түүнийг ажлын байран дээр бэлгийн дарамт үзүүлсэн гэж буруутгасны дараа өөр хэд хэдэн эмэгтэй ёс зүйгүй үйлдэл хийсэн хэмээн буруутгаж, таван сарын хугацаатай мөрдөн байцаалтын ажиллагаа явуулсан юм. Нью-Йоркийн ерөнхий прокурор Летитиа Жеймс өнгөрсөн мягмар гарагт мөрдөн байцаалтын үр дүнг танилцуулсан бөгөөд Куомо зөвшөөрөлгүй биед хүрэх, үнсэх, тэврэх, мөн олон эмэгтэйд зохисгүй шүүмжлэл хэлсэн болохыг тогтоосон байна.

Харин Куомо мягмар гарагт “Би хэнд ч зүй бусаар хүрч, бэлгийн харьцаанд зохисгүй үйлдэл гаргаж байгаагүй” гэж мэдэгдэж, огцрох бодолгүй байгаагаа мэдэгдсэн.

Эх сурвалж: The Guardian

#гадаад мэдээ