НИЙГЭМ

“Өглөөний Улаанбаатар” жишиг гудамж нээгдлээ

Нийслэлд цагийн хязгаартай, авто машингүй гудамж бий болгох ажлын хүрээнд, хотын иргэдэд өглөөний идэвхтэй амьдралыг бий болгох зорилготой бүтээгдэж буй “Өглөөний Улаанбаатар” гудамж нь өнөөдрөөс иргэдэд үйлчилж эхэллээ.

гадаа гэх мэтийн зураг байж болно

Уг гудамжийг “Эртэч Монгол” хөтөлбөрөөс улбаалан НЗДТГ-аас байгуулжээ. Тодруулбал, Нийслэлийн Засаг даргын 2021 оны зургадугаар сарын 24-ний А/501 дүгээр захирамжийн дагуу цагийн хязгаартай, автомашингүй гудамжийг “Жуулчны гудамж”-нд эхлүүлж, тохижуулсан байна.

нэг буюу түүнээс олон хүн болон гудамж гэх мэтийн зураг байж болно

Гудамжинд ном, цэцгийн худалдаа, ресторан, кофе шоп зэрэг 12 аж ахуйн нэгж өдөр бүр үйл ажиллагаагаа явуулж, өөрсдийн гэсэн онцлогтой зэсээр иргэдэд үйлчилнэ. Мөн долоо хоногийн гурван өдөр 06:00-09:00 цагийн хооронд олон нийтэд зориулсан үзэсгэлэн, худалдаа, сургалт, бизнес уулзалтууд зэрэг хөтөлбөрт арга хэмжээг зохион байгуулахаар төлөвлөлөө. Тухайлбал, Даваа гарагт бясалгал, иог, өглөөний дасгал, бизнес уулзалтууд, Лхагва гарагт эрүүл хооллолтын сургалтууд, эрүүл мэндийн үзлэг, Баасан гарагт кофе, канваны сургалт, фото болон уран зургийн үзэсгэлэн зохион байгуулах юм.

Гудамж нийт 1,647 ам метр талбайтай, 400-500 хүнийг хамарсан арга хэмжээ зохион байгуулах боломжтой.

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet