Дорнод аймагт сэг зэм цуглуулах, устгах ажил үргэлжилж байна

БОАЖЯ-ны Салбарын хяналтын газрын дарга Б.Мөнхтогтохоор ахлуулсан ажлын хэсэг Дорнод аймагт ажиллаж байна.

Ажлын хэсэг Байгаль орчин, аялал жуулчлалын Сайд Бат-Өлзийн Бат-Эрдэнэ-ийн 2024 оны 03 сарын 01-ний өдрийн 02 дугаартай “Орчны бохирдлыг бууруулах, хуулийн хэрэгжилтийг хангах, эрчимжүүлэх талаар” албан даалгаврын хэрэгжилттэй танилцаж, аймаг, сумдын онцгой комисст сэг зэм устгалын ажлыг хэрхэн зохион байгуулах талаар мэдээлэл хүргүүлж, орон нутгийн байгаль орчны хяналтын улсын байцаагчдад чиглэл өгч ажиллалаа.

Дорнод аймгийн хэмжээнд өнөөдрийн байдлаар тэмээ-61, адуу- 16,850, үхэр-53142, хонь-121359, ямаа-91286 нийт-282698 мянган тоо, толгой мал, амьтан зүй бусаар хорогдсон дүн мэдээг нэгтгээд байна.

Байгалийн давагдашгүй хүчин зүйлээс үүссэн мал, амьтны сэг зэм устгах, булшлах ажлыг 14 сумын хэмжээнд хэрэгжүүлж, зүй бусаар хорогдсон мал амьтны сэг  зэмийг нийт 45-н устгалын цэгт төвлөрүүлж, 12311 мянган тоо, толгой мал, 586 амьтны сэг зэм цуглуулж устгаад байна.