Урьдчилан сэргийлэх, эрт илрүүлэг үзлэг, шинжилгээ, оношилгоондоо хамрагдаарай

УРЬДЧИЛАН СЭРГИЙЛЭХ, ЭРТ ИЛРҮҮЛЭХ ҮЗЛЭГ, ОНОШИЛГОО, ШИНЖИЛГЭЭНИЙ ЕРӨНХИЙ ЗУРАГЛАЛ

Урьдчилан сэргийлэх, эрт илрүүлэг үзлэг, шинжилгээ, оношилгоонд 2022 оны 05 сарын 01-ний өдрөөс 2024 оны 03 сарын 21-ний өдрийн байдлаар улсын хэмжээнд 1 351 546 хүн хамрагдсан нь нийт хамрагдвал зохих хүн амын 40.0 хувийг эзэлж байна.

Үзлэгт хамрагдсан иргэдийн 592 536 буюу 43.8 хувь нь эрэгтэйчүүд, 759 010 буюу 56.2 хувь нь эмэгтэйчүүд байна. Байршлаар нь харуулбал 683 762 буюу 50.6 хувь нь Улаанбаатар хотод, 667 784 буюу 49.4 хувь нь орон нутагт байна. 

Үзлэгт хамрагдсан нийт хүний 676 646 буюу 50.1 хувь нь 0-17 насны хүүхэд, 674 900 буюу 49.9 хувь нь 18-аас дээш насныхан байна.

УРЬДЧИЛАН СЭРГИЙЛЭХ, ЭРТ ИЛРҮҮЛЭГТ ХЭН ХАМРАГДАХ ВЭ?
Эрүүл мэндийн даатгалаа бүрэн төлсөн даатгуулагч та урьдчилан сэргийлэх, эрт илрүүлгийн багцад багтсан бүх үзлэг, оношилгоо, шинжилгээнд бүрэн хамрагдах боломжтой.

ЭРТ ИЛРҮҮЛЭГТ ХЭРХЭН ХАМРАГДАХ ВЭ?
Өрх, Сум, Тосгоны эрүүл мэндийн байгууллагаас эрт ирлүүлэгт хамрагдах эрүүл мэндийн байгууллагын жагсаалт болон хаана, хэзээ, хэрхэн хамрагдах, түүний зохион байгуулалтын талаар мэдээлэл, зөвлөгөөг аваарай.