Шинэчилсэн цахим хуудсаар агаарын чанарыг мэдээлж байна

“Улаанбаатар хот болон 21 аймгийн төвд мэдээллийн технологид суурилсан агаарын чанарыг хянах автомат станц суурилуулах” төслийн хүрээнд 2026 онд Улаанбаатар хотод агаарын чанарыг хянах автомат станц 3-ыг суурилууллаа.

Агаарын чанарын станцуудыг Баянзүрх дүргийн Шинэ 100 айл, Баянгол дүүргийн 3-4-р хорооллын эцэс, Сонгинохайрхан дүүргийн 5 шар орчимд суурилуулсан бөгөөд ингэснээр Улаанбаатар хотод нийт 22 байршилд агаар дахь хүхэрлэг хий, азотын давхар исэл, РМ10 болон РМ2,5 тоосонцор, нүүрстөрөгчийн дутуу исэл, озон гэсэн үзүүлэлтээр агаарын чанарыг тодорхойлж байна.
Агаарын чанарын мэдээг олон нийтэд түгээх agaar.mn цахим хуудсыг шинэчилсэн бөгөөд https://agaar.gov.mn/web цахим хуудсаар иргэд та бүхэн тухайн хугацааны агаарын чанарын мэдээг авах боломжтой юм гэж ЦУОШГ-аас мэдээллээ.