Герман, Литва улс улиран сонгогдсон Путинд баяр хүргэхгүй гэдгээ албан ёсоор мэдэгдэв

Берлиний зүгээс Оросын ерөнхийлөгчийн сонгуулийг шударга бус гэж үзэж байгаа тул Германы канцлер Олаф Шольц Владимир Путинд улиран сонгогдсонд нь баяр хүргэхгүй гэж Германы засгийн газрын хэвлэлийн төлөөлөгч даваа гарагт мэдэгдэв. 

“Үр дүн нь урьдаас тодорхой байсан” гэж хэвлэлийн төлөөлөгч Берлинд болсон засгийн газрын хэвлэлийн бага хурлын үеэр хэлээд, Оросыг дарангуйлагч гэж нэрлэжээ.

Харин тус улсын Гадаад хэргийн сайд Анналена Баербок Герман улс Орост болсон “сонголтгүй сонгуулийг” буруушааж байгааг мэдэгдсэн байна.

Литва улс мөн Оросын ерөнхийлөгчийн сонгуулийг “хууль ёсны гэж хүлээн зөвшөөрөхгүй” гэдгээ албан ёсоор мэдэгдэв.

Литвийн Гадаад хэргийн сайд Габриэлиус Ландсбергис Орост болсон санал хураалтыг “эмгэнэлт жүжиг” гэж тодорхойлсон байна.

Харин Оросын ерөнхийлөгчийн сонгуульд үнэмлэхүй ялалт байгуулсан Путинд хамгийн түрүүнд Ираны Ерөнхийлөгч Эбрахим Раиси баяр хүргэжээ.

БНХАУ-ын дарга Ши Жиньпин мөн Путинд дахин сонгогдсон нь баяр хүргэсэн бол Венесуэлийн Ерөнхийлөгч Николас Мадуро “Манай том ах ялалт байгуулсан нь дэлхий дахинд сайн зүйлийг авчрах болно” гэж мэдэгдсэн байна.

Эх сурвалж: Reuters