COVID-19

Өнөөдөр 92,490 тун Pfizer/Biontech вакцин хүлээн авлаа

Гэрэл зургийг MPA.mn

Япон Улсын Засгийн Газрын санхүүжилтээр манай улс 2.35 сая тун Pfizer/Biontech вакцинтай болсон. Тус вакциныг татан авах ажлыг НҮБ-ын Хүүхдийн Сангаас зохион байгуулж нийлүүлэх үйл ажиллагаа зургадугаар сарын 16-наас эхэлсэн юм. Одоогийн байдлаар зургаан удаагийн татан авалт хийж, 417,690 тун вакцин хүлээн авсан билээ. Тэгвэл өнөөдөр буюу энэ сарын 21-нд дахин 92,490 тунг хүлээн авлаа.

Гэрэл зургийг MPA.mn

Цаашлаад энэ сарын 28-нд дахин 132,210 тунгийн таталт хийх бөгөөд энэ байдлаар вакцин нийлүүлэх ажиллагаа энэ оны гурав, дөрөвдүгээр улиралд дуусна гэж албаныхан мэдээллээ.

Ийнхүү татан авалтыг тогтмол хийснээр 12-17 насны 290 мянга орчим хүүхэд, жирэмсэн эхчүүд болон вакцинд хамрагдаагүй бусад иргэдийг бүрэн вакцинжуулах нөөц бүрдэх аж.

Гэрэл зургийг MPA.mn

Ташрамд, манай улсад өнөөдрийн байдлаар 1,860,497 хүн ковидын эсрэг вакцины хоёр тунгаа хийлгэсэн ба нийт хүн амын 57.2 хувь нь вакциндаа бүрэн хамрагджээ.

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet