НИЙГЭМ

Замын-Үүд дэх ачаа, тээврийн бөөгнөрийг зохицуулахад цэргийн алба хаагчдыг дайчиллаа

БНХАУ-ын Эрээний боомтод гацсан Монголын бизнес эрхлэгчдийн захиалгат барилгын материал, гэр ахуйн болон өргөн хэрэглээний бүтээгдэхүүн, үйлдвэрийн тоног төхөөрөмж, багаж хэрэгсэл, төрөл бүрийн түүвэр ачаа, сайжруулсан түлшний бэхжүүлэгч зэрэг бараа гачаад байгаа.

Тэгвэл барааг татан авах чиглэлд анхаарч,

  • Замын-Үүд боомтод бөөгнөрсөн тээврийн хэрэгслүүдийн дарааллыг багасгах,
  • Улаан бүсээс ирэх халдварын эрсдэлтэй иргэдийн хөдөлгөөнийг хязгаарлах,
  • Эрээнээс орж ирсэн ачааг авто машинаас галт тэргэнд ачиж төмөр замаар тээвэрлэх боломжийг нэмэгдүүлэх,
  • Экспорт, импортын ачааны татан авалттай уялдуулах Улаанбаатар болон бусад 21 аймгаас ирэх тээврийн хэрэгслийн хөдөлгөөнийг яаралтай зохицуулах үүрэг, зорилгоор албаны газар дээр нь ажиллаж байна.
May be an image of one or more people, people standing and outdoors

Тухайлбал, ЗХЖШ-ын даргын тушаалаар Зэвсэгт хүчний 150 дугаар ангийн ротын захирагч, ахлах дэслэгч М.Цогнэмэхээр ахлуулсан 25 алба хаагчид гурван нэгж техниктэйгээр Дорноговь аймгийн Замын-Үүд сумын дөрвөн шалган нэвтрүүлэх цэгт энэ сарын 7-ны өдрөөс хойш хяналт тавин явган болон машинтай эргүүлийн үүрэг гүйцэтгэж байгаа аж.

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet