Т.Баярхүү: Цаашид цаг агаар хүндэрч эрсдэлтэй нөхцөл байдал үүсэхээр байна

УОК-ын нарийн бичгийн дарга, хурандаа Т.Баярхүү Монгол орны нийт газар нутгийн цаг агаарын нөхцөл байдлын талаар шуурхай мэдээлэл өглөө. 

Тэрбээр "Энэ сарын 3-5-нд орсон цас, цасан шуурганы улмаас нийт нутгийн 60 орчим хувьд цасан бүрхүүл тогтсон. Тухайлбал, Төв, Архайнгай, Завхан, Увс аймагт зузаан цасан бүрхүүл тогтоод байна. Өнгөрсөн өдрүүдэд 12 аймгийн 24 суманд 46 дуудлагаар эрэн хайх аврах ажиллагаа явууллаа. 38 иргэнийг эсэн мэнд олсон бол найман иргэн харамсалтайгаар амь насаа алдсан.

Үргэлжлээд ойрын өдрүүдэд хүйтний эрч чангарч, цас орж Алтайн салбар уулс болон говийн нутгаар цасан шуурга шуурах төлөвтэй байна. Иймд ОБЕГ-аас холбогдох арга хэмжээг авч ажиллаж байна" гэлээ.