Норвегийн жүжгийн зохиолч Жон Фоссе 2023 оны Нобелийн утга зохиолын шагналыг хүртлээ

Норвегийн зохиолч, жүжгийн зохиолч Жон Фоссе 2023 оны Утга зохиолын салбарын Нобелийн шагналыг хүртлээ.

1959 онд Норвегийн баруун эргийн Хаугесунд хотод төрсөн Фоссе нь дэлхийд хамгийн олон тоглогдсон жүжгийн зохиолчдын нэг боловч түүний бүтээл жүжиг, тууж, яруу найргийн түүвэр, эссе, хүүхдийн ном, орчуулга зэрэг олон төрөл жанрыг хамардаг.

Шведийн Академийн гишүүн Андерс Олссон “Түүний бүтээл хүний хамгийн гүн мэдрэмж, түгшүүр, итгэлгүй байдал, амьдрал, үхлийн асуултуудыг хөнддөг” хэмээн магтжээ.

“Түүний бичсэн бүх зүйл бүх нийтийн нөлөөлөлтэй байдаг. Энэ нь жүжиг, яруу найраг эсвэл зохиол эсэх нь хамаагүй, хүнлэг хандлагыг илэрхийлдэг” гэж Олссон хэлэв.

Фоссе нь Нобелийн утга зохиолын шагналыг хүртсэн дөрөв дэх Норвеги хүн болжээ.

Хэвлэн нийтлэгчийнх нь мэдээлснээр түүний бүтээл дэлхийн 40 гаруй хэлээр орчуулагдаж, жүжгүүд нь 1,000 гаруй удаа тайзнаа тоглогдсон байна.

Эх сурвалж: Reuters