10.19: 18 хүн нас барж, халдварын 1,303 шинэ тохиолдол бүртгэгдлээ

КОРОНАВИРУСТ ХАЛДВАР (COVID-19)-ЫН НӨХЦӨЛ БАЙДЛЫН МЭДЭЭ /2021.10.19/

Сүүлийн 24 цагт халдварын 1,303 шинэ тохиолдол бүртгэгдэж, 18 хүн нас барлаа. Тохиолдлуудын 720 нь Улаанбаатар хотод, 583 нь орон нутагт батлагдлаа.

Харин 6,710 хүн эдгэрч эмнэлэг болон гэрийн ажиглалтаас гарсан бол 18,464 хүн эмнэлэгт хэвтэн эмчлүүлж байна гэж ЭМЯ-наас мэдээллээ. Хэвтэн эмчлүүлж буй иргэдийн 3,436 нь хүүхэд, 1,291 нь жирэмсэн эх байна.

Халдвар авсан иргэдийн,

• 9,056 хүний биеийн байдал хөнгөн,
• 6,851 хүн нь хүндэвтэр,
• 2,174 хүн нь хүнд,
• 383 хүний биеийн байдал нэн хүнд байна.

Өнөөдрийн байдлаар халдвараас шалтгаалсан нас баралтын нийт тоо 1,501 болсон бол гэрийн ажиглалтад 51,302 хүн байна.

Мөн 2,253,925 хүн вакцины I тунд, 2,136,376 хүн вакцины II тунд, 370,589 хүн III тунд хамрагджээ.