Б.Мөнхжин: Эрээний хил хаагдаагүй

Гадаад харилцааны дэд сайд Б.Мөнхжин мэдээлэл хийлээ.

Тэрбээр "Арванхоёрдугаар сарын 08-ны өдөр миний бие Замын-Үүд боомт дээр ажилласан. Бэлтгэл ажлууд хангагдсан байсан учраас Эрээний талд хил нээх асуудлыг тавьж арванхоёрдугаар сарын 10-ны өдөр хил нээгдсэн.

Арванхоёрдугаар сарын 10, 11-ний өдрүүдэд хилийн цаана байсан ачаа бараа, авто машинуудыг үе шаттайгаар Эрээн талаас дундын цэгт байршуулсан. Арванхоёрдугаар сарын 11, 12-ны өдрүүдэд дундын цэгт байршуулсан 50 гаруй автомашиныг Монголын хил нэтрүүлсэн. Энэ нь хил нээсэн гэх нотолгоо мөн.

Энэхүү бараа нэвтрүүлсэн хугацаанд Эрээний талд үнэлгээ хийгдэж байгаа. Хятад улсын коронавирусын дүрэм журмын хүрээнд 0 цэг дээр Монгол жолоочид орсон учраас үүнийг халдвартай бүс гэж үзэж байгаа юм.

Халдвартай бүсэд:

• Халдвартай бүсэд үнэлэлт дүгнэлт, ариутгал халдваргүйжүүлэлт хийх
• Халдвар хамгааллын дэглэмийг илүү боловсронгуй болгох
• Халдвар тархах эрсдлийг буруулах зэрэг Эрээн талын өөрийн ажлууд хйигдэж байна. Үүнийг иргэд хил хаасан гэж ташаа ойлгож байна.

Хил хаагдаагүй, үе шаттай бараа бүтээгдэхүүнээ оруулах ажлуудын нэг хэсэг процесс явагдаж байна" гэв.