О.Батбаяр: Хариу нь гарсан эхний ээлжийн 300 сорьцоос “Омикрон" илрээгүй

Гадагшаа зорчсон хоёр монгол иргэнээс "Омикрон" илэрсэн гэх мэдээлэл цахим орчинд хурдтай түгэж байна.

Үүнтэй холбогдуулан УОК-ын дэргэдэх Эрдэмтдийн зөвлөлийн нарийн бичгийн дарга О.Батбаяраас тодруулга авлаа.

Тэрбээр "Анхаарал татсан хувилбараар үүсгэгдсэн анхны тохиолдол болон бүлэг өвчлөлийг олон улсын эрүүл мэндийн дүрмийн дагуу ДЭМБ-д мэдээллэдэг бөгөөд одоогоор Монгол Улсад бүртгэгдсэн гэх мэдээлэл байхгүй байна. "Омикрон" хувилбарын тандалт шинжилгээний хариу үе шаттайгаар гарч байгаа. Одоогоор 300 гаруй иргэний хариу гарсан. Үүнд ч хувилбарын тохиолдол бүртгэгдээгүй" гэлээ.

Дашрадм, “Омикрон” бол айгаад байх мутаци биш. Дэлхийн ихэнх оронд вакцинтай хүмүүс хөнгөн тусч байгаа бөгөөд хоруу чанар, нас барах эрсдэл бага гэж ДЭМБ-аас мэдээлсэн билээ.