Б.Жавхлан: Эдийн засаг хөгжлийн яамны дэргэд Гадаадын хөрөнгө оруулалтын агентлаг байгуулна

Засгийн газрын ээлжит хуралдаан өнөөдөр болж, хурлаас гаргасан шийдвэрийг танилцууллаа.

Энэ үеэр Сангийн сайд Б.Жавхлан "2022 оны төсвийн тухай хууль, Засгийн газрын тухай хуульд оруулсан нэмэлт өөрчлөлтийн дагуу Эдийн засгийн хөгжлийн яам нэгдүгээр сард байгуулагдсан. Тус яамны бүтэц болон стратеги хөгжлийн бодлогыг өнөөдөр батлууллаа. Ингэснээр Эдийн засаг хөгжлийн яам нь үндсэн чиг үүргээ хуулийн дагуу хэрэгжүүлэх боломж бүрдэж байгаа гэсэн үг.

Мөн Эдийн засаг хөгжлийн яамны дэргэд Гадаадын хөрөнгө оруулалтын агентлаг байгуулагдаж байгаа. Тус агентлаг нь 30 хүний орон тоотой. Агентлаг байгуулагдсанаар гадаадын хөрөнгө оруулалтын бодлого тодорхой болж, тэднийг бүтээн байгуулалт болон бусад эдийн засгийн салбаруудтай холбох, бизнесийн салбарыг тус агентлагаар дамжуулж олон нийтэд сурталчлах боломж бүрдэх юм.

Удахгүй Монголын эдийн засгийн форм, Шинэ сэргэлтийн бодлогын хүрээнд олон хөрөнгө оруулалт, бүтээн байгуулалтын ажил хийгдэнэ" гэлээ.