Баруун Австралид алга болсон цацраг идэвхт капсулыг олжээ

Баруун Австрали мужийн эрх баригчид тээвэрлэлтийн явцад гээгдсэн цацраг идэвхт бодис бүхий жижиг капсулыг олсноо өнөөдөр мэдэгдлээ.

6 мм диаметртэй, 8 мм урттай капсул нь арьсны гэмтэл, түлэгдэлт, цацрагийн хордлого үүсгэх эрсдэлтэй Цезий-137 агуулж байсан ба онцгой байдлын алба тусгай тоног төхөөрөмж ашиглан капсулыг илрүүлсэн байна.

Капсулыг хоёр долоо хоногийн өмнө алга болсон байж магадгүй гэж таамаглаж байсан.

Энэ нь уурхайн салбарт түгээмэл хэрэглэгддэг нягт хэмжигч багажны нэг хэсэг байсан бөгөөд өмнө нь Кимберли муж дахь Рио Тинтогийн Гудай-Дарри уурхайд ашиглаж байжээ.

Уг багажыг 1,400 км замыг туулан Перт хотын зүүн хойд зах дахь уурхайн агуулахад хүргэсэн ч хоёр долоо хоногийн дараа үзлэг хийхээр задлаад доторх капсул нь алга болсныг мэдсэн байна.

Тээвэрлэлтийн явцад чичиргээнээс болж багажны эрэг, боолт суларч, доторх цацраг идэвхт капсул нь унасан байх боломжтой гэж таамаглаж байв.

Рио Тинто компани болсон явдалд уучлалт гуйсан бөгөөд энэ асуудлаар мөрдөн шалгах ажиллагаа явуулахаа амласан.

Эх сурвалж: BBC