COVID-19

Дэлхийн хүн амын 75 хувийг дархлаажуулахад дөрвөн жил шаардлагатай гэв

Гэрэл зургийг MPA

Дэлхийд хоногт дунджаар 7 сая 650 гаруй мянган хүн дархлаажуулалтад хамрагдаж байна. Энэ хурдаар явбал хоёр тунт вакцинаар дэлхийн нийт хүн амын 75%-ийг дархлаажуулахад дөрвөн жил шаардлагатай тооцоо гарсан гэж Засгийн газрын Хэвлэл мэдээлэлтэй харилцах хэлтсээс мэдээллээ.

100 хүн тутамд 95.4 тун вакцин зарцуулсан үзүүлэлтээрээ Израил Улс дэлхийд тэргүүлж байна. Гуравдугаар сарын 7-ны байдлаар 111 оронд 300 орчим сая тун вакцинаар дархлаажуулалт хийжээ.

COVAX хөтөлбөрийн хүрээнд БНЭУ-ын Serum хүрээлэнд үйлдвэрлэсэн “AstraZeneca” компанийн хөгжүүлсэн COVISHIELD вакциныг түгээх эхний шатны хуваарийг энэ сарын 2-ны өдөр шинэчлэн танилцуулсан байна.   Хуваарийн дагуу тавдугаар сарыг дуустал хөтөлбөрт оролцогч 142 улсад 237 сая тун вакцин нийлүүлэх юм. Түгээж эхэлснээс хойш эхний 12 хоногт Африк, Ойрхи Дорнод, Ази, Номхон далайн болон Латин Америкийн 28 улсад 15.7 сая орчим тун вакцин хүргүүлсэн бөгөөд энэ сарын 8-14 хүртэлх дараагийн 7 хоногт 31 орон 14.4 сая тун вакцин хүлээн авах юм байна.

2021 оны гэрэвдугаар сарын 7-ны өдрийн байдлаар хүн амаа дархлаажуулж байгаа тэргүүлэх 10 орон:

          Улс       Хамрагдсан хүн (сая)              Вакцины төрөл

1.     АНУ               87.9                                Pfizer Moderna Johnson&Johnson
2.     БНХАУ           52.5                                Sinopharm/Beijing Sinovac Cansino Sinopharm/Wuhan
3.     Британи        22.8                                 Pfizer Moderna AstraZeneca
4.     Энэтхэг         20.6                                 Bharat AstraZeneca
5.     Бразил          10.3                                 Sinovac AstraZeneca
6.     Турк              9.9                                  Sinovac
7.     Израил          8.6                                  Pfizer Moderna
8.     ОХУ               7.5                                  Sputnik V
9.     ХБНГУ           7.3.                                 Pfizer Moderna AstraZeneca
10.    Эмират         6.2                                  Pfizer Gamaleya Sinopharm/Beijing

Эх сурвалж: Засгийн газрын Хэвлэл мэдээлэлтэй харилцах хэлтэс

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet