COVID-19

ДЭМБ: Коронавирусийн халдварын тархалт дэлхий нийтээр саарч байна

ДЭМБ-ын мэдээлж буйгаар дэлхий даяар коронавирусийн халдварын шинэ тохиолдол буурах хандлагатай байна. Тус байгууллагын тэргүүн Тедрос Адханом Гебрейесусын хэлснээс үзвэл хөл хорио, хязгаарлалтын дэглэм үр дүнгээ өгч байгаа бөгөөд энэ оны эхээр долоо хоногт бүртгэгдэж буй шинэ тохиолдол таван сая байсан бол өдгөө  хоёр сая болж буурчээ.

“Улс орнуудын авч буй арга хэмжээ үр дүнгээ өгч, халдварын тархалт саарч буй. Гэхдээ коронавирусийн халдвараас урьдчилан сэргийлэх асуудал урьдын адил чухал. Хэрэв бид тэмцлээ зогсоовол цар тахал эргэн эрчимжинэ” гэж тэрбээр өгүүллээ. Цар тахал эхэлснээс хойш одоог хүртэл 109 сая хүн коронавирусийн халдвар авч, 2.4 сая амиа алдсан бөгөөд 60 гаруй сая хүн эдгэрээд байгааг Жонс Хопкинсын их сургуулиас мэдээлсэн.

This image has an empty alt attribute; its file name is 7-1024x683.jpg

Ташрамд, B1525 хэмээн нэрлэгдсэн коронавирусийн мутац Их Британи, Дани, Австрали зэрэг 10 гаруй оронд бүртгэгдээд байга бөгөөд энэ нь Британид илэрсэн B117 мутацтай нэлээд төстэйг Эдинбургийн их сургуулиас мэдээлээд байна.

Үүний сацуу ДЭМБ “AstraZeneca” вакциныг яаралтай тохиолдолд хэрэглэхийг албан ёсоор зөвшөөрчээ. Био технологийн “AstraZeneca” компани Оксфордын их сургуультай хамтран гарган авсан вакциныг одоо БНСУ-ын Сөүл хотод “SKBio” компани, Энэтхэгт тус улсын Ийлдэс судлалын хүрээлэн үйлдвэрлэхээр болж байна.

Эх сурвалж: ВВС

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet