ЗӨВЛӨМЖ: Менингококкт халдвараас сэргийлье

Менингококкт халдвар нь арьсан дээрх өвөрмөц зөв биш хэлбэртэй цусархаг тууралт болон тархины зөөлөн бүрхүүл, тархины эдийн үрэвслээр илэрдэг, Neisseria meningitidis гэгдэх нянгаар үүсгэгддэг амьсгалын замын цочмог халдварт өвчин.

Менингококкт халдвараар өвдсөн хүн, нян тээгчээс агаар дуслын замаар халдвар дамжих ба үүсгэгч нян нь хүний хамар, залгиурт байршиж өвчин үүсгэнэ. Нууц үеийн хугацаа нь 3-10 хоног, дунджаар 5-7 хоног байдаг. Бүх насны хүн өвчлөх боловч 5 хүртэлх насны хүүхэд илүү өртөмтгий байна.

Менингококкт халдварын улмаас бага насны хүүхэд эндэх тохиолдол гарч байгаа тул дараах зөвлөмжийг хэрэгжүүлнэ үү.

Хүүхдэд дараах шинж тэмдгүүд илэрвэл эмчид яаралтай хандаарай.

• Гэнэт өндөр халуурах /38 хэм ба түүнээс дээш/,
• Бөөлжих, зулай чинэрэх, таталт өгөх, унатаа байдалд орох,
• Цусархаг, гүвдрүүт, үхжилт тууралт гарах,
• Цусархаг тууралт хөх ягаан өнгөтэй, янз бүрийн хэлбэр хэмжээтэй, дарахад арилахгүй байх.

Бага насны хүүхдэд анхаарал тавих:

• Бага насны хүүхдийг олон нийтийн газар, айлаар дагуулж явахгүй байх,
• Хүүхдийг хөхөөр хооллох,
• Хүүхдийн хоолыг ам дамжуулан өгөхгүй байх,
• Хүүхдийг дулаан хувцаслах,
• Илчлэг сайтай, амин дэмээр баялаг хоол хүнс хэрэглэх,
• Хүүхдэд А, Д зэрэг амин дэм уулгах,
• Эмяийн зөвлөмжөөр менингитийн эсрэг вакцин тариулах.