COVID-19

Ангела Меркель: Цар тахлын гуравдугаар давлагаа айсуй

ХБНГУ-ын Канцлер Ангела Меркель цар тахлын гуравдугаар давлагаа айсуй тул эртнээс арга хэмжээ авах хэрэгтэйг онцоллоо. Түүний өгүүлж буйгаар, коронавирусийн мутациудын талаар мэдээлэл, судалгааг эрх баригчид хүлээн авсан бөгөөд шинэ төрөл, мутациуд олшрох тусам нөхцөл байдал хүндрэх төлөвтэй байгааг мэдээлсэн.

Түүнчлэн халдварын тархалтыг хумих зорилгоор тогтоосон хөл хориог ирэх гуравдугаар сарын 7-ныг хүртэл сунгах шийдвэр гаргаснаа Германы эрх баригчид мэдэгдсэн байна.

Өнгөрсөн оны арваннэгдүгээр сард тус улсад коронавирусийн халдвар эрчимжсэн тул хатуу хөл хорио тогтоосон юм. Канцлер Ангела Меркелийн тушаалаар зоог, уушийн газар, кино театр, бялдаржуулах төв, усан сан, дэлгүүрүүд, худалдааны төвийн үйл ажиллагааг хязгаарласан бөгөөд мөн олон нийтийн газарт 10-аас дээш хүн цуглахыг хориглоод байгаа юм.

Эх сурвалж: lenta

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet