НИЙГЭМ

“Алтан бүрээ” цэргийн хөгжмийн их наадам болно

Гэрэл зургийг MPA

Зэвсэгт хүчний 100 жилийн ойг угтаж Зэвсэгт хүчний Жанжин штабаас хэд хэдэн бүтээлч ажил, арга хэмжээг зохион байгуулах гэж байгаагийн нэг нь “Алтан бүрээ” цэргийн хөгжмийн их наадам юм.

Уг наадам ирэх гуравдугаар сард зохион байгуулахаар байсан ч цар тахлын нөхцөл байдлаас үүдээд зургаадугаар сар хүртэл хойшлогджээ. Тодруулбал зургадугаар сарын 1-20-ны хооронд нэгдсэн бэлтгэлийг эрчимтэй явуулж, Сүхбаатарын талбайгаас олон нийтэд хүргэх аж.

Түүнээс өмнө бүсчилсэн цэргийн хүрээд дотооддоо бэлтгэлээ явуулах учиртай гэнэ. Тус арга хэмжээг Батлан хамгаалах яам, Зэвсэгт хүчний Жанжин штаб, Нийслэлийн ЗДТГ, Зэвсэгт хүчний Цэргийн хөгжмийн албанаас хамтран зохион байгуулахаар болжээ.

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet