COVID-19

Коронавирусээс айсан эр онгоцны буудалд гурван сар амьдарчээ

АНУ-ын Калифорни мужийн оршин суугч Чикагогийн О Харагийн нэрэмжит олон улсын нисэх онгоцны буудалд гурван сарын турш амьдарчээ. “Chicago Tribune” мэдээлж буйгаар, 36 настай Адитья Сингх онгоцны буудлын хамгаалалттай бүсэд хууль бусаар амьдрахдаа ажилтны гээсэн үнэмлэх ашиглаж байсан гэнэ.

Төрөлх Лос-Анжелест нь цар тахал гарч, нөхцөл байдал хүндэрсэн тул коронавирусийн халдвар авахаас айхдаа ийнхүү “бүгсэн” гэж тэрбээр шүүхэд мэдүүлжээ. Энэ хугацаанд тэрбээр зорчигчдын үлдээсэн, өгсөн хоолоор хооллож байсан аж.

Түүнийг онгоцны буудлын ажилчид л нэвтрэх бүсэд хууль бусаар орогносон, эд зүйл хулгайлсан хэргээр шүүж байгаа юм. Адитья Сингх зочид буудлын мэргэжлээр магистр зэрэг хамгаалсан ч ажил эрхэлдэггүй нэгэн байжээ.

Сүүлийн хэдэн сарын турш Калифорнид коронавирусийн халдвар улам нэмэгдэж, гурван сая хүн өвчлөөд байна. Лос-Анжелес хотын эмнэлгүүдийн ачааалал хэтэрч, өвчин нь хүндэрсэн, эмчлэгдэх найдваргүй хүмүүст тусламж, үйлчилгээ үзүүлэхээс татгалзахад хүрээд байгаа юм.

Эх сурвалж: Chicago Tribune

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet