АНУ болон Өмнөд Солонгос улсууд Хойд Солонгосын пуужингийн хариуд тактикийн пуужин харважээ

Мягмар гарагт Хойд Солонгос улс АНУ, Япон, Өмнөд Солонгосын цэргийн үзүүлэх сургуулилалтыг эсэргүүцэж Японыг чиглүүлэн пуужин харвасан нь арлыг давж далайн усанд унасан.

Тэгвэл үүний хариуд Өмнөд Солонгос болон АНУ-ын арми лхагва гарагт Солонгосын хойг болон Японы хооронд орших Японы тэнгис (Зүүн тэнгис) рүү тус бүр хоёр АНУ-д үйлдвэрлэсэн армийн тактикийн пуужин харважээ.

АНУ-ын Үндэсний аюулгүй байдлын зөвлөлийн хэвлэлийн төлөөлөгч Жон Кирби пуужин хөөргөсөн нь АНУ болон тэдний холбоотнууд “Умардын өдөөн хатгалгад хариу өгөхөд бэлэн цэргийн хүчин чадалтай” гэдгийг харуулах зорилготой гэж “CNN”-д ярьсан байна.

Өмнөд Солонгосын хөөргөлт бүтэлгүйтэж, пуужин хөөргөснөөс хойш удалгүй унасан ч хүний ​​амь эрсдээгүй гэж тус улсын арми мэдэгдэв.

Мягмар гарагт Пхеньян Японы дээгүүр пуужин харвасан явдлыг Токио болон Вашингтоны анхаарлыг татахын тулд зориудаар хийсэн үйлдэл гэж үзэж байна.

Японы Ерөнхий сайд Фумио Кишида үүнийг “түрэмгийлсэн үйлдэл” гэж тодорхойлсон бол АНУ-ын Ерөнхийлөгч Жо Байден Кишидатай утсаар ярихдаа Японыг ​​хамгаалах амлалтаа дахин бататгав.

Харин мягмар гарагийн орой Цагаан ордны хэвлэлийн төлөөлөгч Жон Кирби “Энэ нь мэдээжийн хэрэг тогтворгүй байдалд хүргэж байна” гэж мэдэгджээ.

Мягмар гарагт Хойд Солонгосын пуужин Японы дээгүүр нисэх үед хойд Хоккайдо арал болон Аомори хотод дуут дохио хангинаж, оршин суугчдыг барилга дотор эсвэл хонгилд нуугдахыг анхааруулсан байна.

Өчигдөр харвасан пуужин нь Хойд Солонгосын долоо хоногийн хугацаанд хөөргөсөн тав дахь пуужин болжээ.

Эх сурвалж: BBC