Дорноговь аймгийн Эрдэнэ суманд 4.6 тэрбум төгрөгийн хөрөнгө оруулалтаар шинэ эмнэлэг барьжээ

Монгол Улсын Засгийн газар болон Азийн Хөгжлийн Банктай хамтран “Иргэдийн эрүүл мэндийн тусламж, үйлчилгээний хүртээмжийг сайжруулах хөрөнгө оруулалтын хөтөлбөр”-ийн хүрээнд Эрдэнэ суманд 4.6 тэрбум төгрөгөөр шинэ эмнэлгийн барилгын ажлыг 2024 онд эхлүүлсэн билээ.​

Дээрх төслийн хүрээнд 2024 онд шинэ барилгын цахилгаан, дулаан, цэвэр, бохир ус, холбооны шугам сүлжээний ажлыг орон нутгийн төсвийн хөрөнгө оруулалтаар “Жи Би Ти Эм Би Констракшн” ХХК гүйцэтгэсэн.​Дорноговь аймгийн Засаг даргын "Тогтвортой бодлого-Тасралтгүй хөгжил" 2024-2028 оны үйл ажиллагааны хөтөлбөрийн 2.7.2.Эмнэлгийн тусламж, үйлчилгээний чанар, хүртээмжийг нэмэгдүүлэх зорилтын хүрээнд шинэ эмнэлэг ашиглалтад оруулж байгаатай холбогдуулан тусламж, үйлчилгээний хэвийн үйл ажиллагааг хангах зорилгоор орон нутгийн 21,2 сая төгрөгийн хөрөнгө оруулалтаар 6 төрлийн, 9 ширхэг тавилга, тоног, төхөөрөмжөөр хангаад байна.