Төрийн албан хаагчдын цалин, нүүрсний экспорт зэрэг 20 асуудал хэлэлцэж байна

Засгийн газрын ээлжит хуралдаан өнөөдөр 08:00 цагт эхэллээ. Хуралдаанаар нийт 20 асуудал хэлэлцэж байгаа бөгөөд хууль эрх зүй, төрийн албан хаагчдын цалин хөлс, газрын тосны бүтээгдэхүүний нөөц, нүүрсний экспорт зэрэг өргөн хүрээний асуудлыг хэлэлцэхээр төлөвлөжээ.

Тухайлбал, хуралдаанаар дараах асуудлуудыг хэлэлцэж байна. Үүнд:

Нотариатын тухай хуульд нэмэлт, өөрчлөлт оруулах тухай

Төрийн үйлчилгээний албан хаагчдын цалингийн доод хэмжээг тогтоох тухай

Газрын тосны бүтээгдэхүүний компанийн нөөцийн хэмжээг тогтоох тухай

Төрийн суурин телефон холбооны нэгдсэн сүлжээний талаар авах арга хэмжээний тухай

“Эрдэнэс Тавантолгой” ХК-ийн нүүрсний экспортын нөхцөл байдлын талаар

Орон сууцны захиалгын гэрээний улмаас хохирсон иргэдийн хууль ёсны эрх ашгийг хамгаалах асуудлыг шийдвэрлэх үүрэг бүхий ажлын хэсгийн үйл ажиллагааны явц

“Шинэ цагийн малчин” үндэсний хөтөлбөрийн танилцуулга

Тавантолгой-Зүүнбаян чиглэлийн төмөр замын дохиолол, холбооны багц ажлын гэрээний талаар

Хуралдаанаар хэлэлцэх бусад асуудлын талаар одоогоор дэлгэрэнгүй мэдээлэл өгөөгүй байна.