Энэ оны эхний есөн сарын байдлаар Монгол Улсын 90 иргэн хилийн чанадад нас баржээ

Гэрэл зургийг MPA.mn

Япон Улсад дадлагажигч ажилтнаар ажиллаж байсан Монгол Улсын 20 настай иргэн үйлдвэрлэлийн ослын улмаас амиа алдсан билээ.

Талийгаачийн ар гэрт шаардлагатай дэмжлэг, туслалцаа үзүүлэх чиглэлд Гадаад харилцааны яам дэмжлэг үзүүлэн ажиллаж байгаа гэж мэдээллээ.

ГХЯ-ны мэдээлснээр, 2026 оны эхний есөн сарын байдлаар Монгол Улсын 90 иргэн хилийн чанадад нас барсан гэж бүртгэгджээ. Үүнээс 40 нь өвчний улмаас, найм нь зуурдаар, найм нь амиа хорлосон шалтгаантай байна.

Монгол Улс 2024-2026 оны наймдугаар сарын 31-ний өдрийн байдлаар Япон Улсад асрахуй, хөдөө аж ахуй, барилга, жолооч, нисэх онгоцны засвар үйлчилгээ зэрэг чиглэлээр нийт 343 иргэнийг ажиллах хүчээр илгээгээд байна.