ТӨВ: Уран бичлэгийн хээрийн үзэсгэлэнг Дуутын хаданд толилууллаа

"Хаадын бичээс" уран бичлэгийн хээрийн үзэсгэлэнг Төв аймгийн Дэлгэрхаан сумын түүхэн дурсгалт Дуутын хаданд дөрөв дэх жилдээ зохион байгуулав.

Үзэсгэлэнд каллиграфийн мастер Д.Батбаяр тэргүүтэй 15 шилдэг уран бүтээлч оролцож, Дуутын хадны байгалийн тогтоц, Цогтын хадны бичгийн түүхэн сэдэвт уран бүтээлүүдээ олон нийтэд толилууллаа.

Монгол уран бичлэг нь ЮНЕСКО-гийн Яаралтай хамгаалах шаардлагатай соёлын биет бус өвийн жагсаалтад 2013 онд бүртгэгдсэн, монгол түмний утга соёл, оюун сэтгэлгээний бахархалт, үнэт өв билээ. Түүнчлэн Дэлгэрхаан сумын Соёлын төвийн дэргэдэх Монгол уран бичлэгийн дугуйлангийн сурагчдын дунд уралдаан зохион байгуулж, сурагч Б.Болорчимэг тэргүүн байр эзэлж, Н.Нандин-Эрдэнэ, О.Номин-Эрдэнэ нарын сурагч удаалан хоёр, гуравдугаар байр эзэлжээ. 

Зохион байгуулагчдын мэдээлснээр монгол уран бичлэгийн өвийг орон нутагт түгээн дэлгэрүүлэх, хүүхэд залуучуудын оролцоог нэмэгдүүлэх зорилго тээсэн тус үзэсгэлэнд Дэлгэрхаан сумын 13 сурагч, сурган хүмүүжүүлэгч өөрсдийн уран бүтээлээ дэлгэн оролцсоноороо онцлог болжээ.

"Хаадын зам" хээрийн үзэсгэлэн нь түүхэн дурсгалт орчин, байгалийн өв, монгол уран бичлэгийн урлагийг нэгтгэн толилуулсан өвөрмөц хэлбэрээрээ жилээс жилд өргөжиж, үндэсний соёлын үнэ цэнийг олон нийтэд сурталчлан таниулах, улмаар түгээн дэлгэрүүлэх чухал ажил болоод байна.

"Хаадын бичээс" уран бичлэгийн хээрийн үзэсгэлэнг Төв аймгийн Дэлгэрхаан сумын түүхэн дурсгалт Дуутын хаданд дөрөв дэх жилдээ зохион байгуулав.

Үзэсгэлэнд каллиграфийн мастер Д.Батбаяр тэргүүтэй 15 шилдэг уран бүтээлч оролцож, Дуутын хадны байгалийн тогтоц, Цогтын хадны бичгийн түүхэн сэдэвт уран бүтээлүүдээ олон нийтэд толилууллаа.

Монгол уран бичлэг нь ЮНЕСКО-гийн Яаралтай хамгаалах шаардлагатай соёлын биет бус өвийн жагсаалтад 2013 онд бүртгэгдсэн, монгол түмний утга соёл, оюун сэтгэлгээний бахархалт, үнэт өв билээ.

Түүнчлэн Дэлгэрхаан сумын Соёлын төвийн дэргэдэх Монгол уран бичлэгийн дугуйлангийн сурагчдын дунд уралдаан зохион байгуулж, сурагч Б.Болорчимэг тэргүүн байр эзэлж, Н.Нандин-Эрдэнэ, О.Номин-Эрдэнэ нарын сурагч удаалан хоёр, гуравдугаар байр эзэлжээ. 

Зохион байгуулагчдын мэдээлснээр монгол уран бичлэгийн өвийг орон нутагт түгээн дэлгэрүүлэх, хүүхэд залуучуудын оролцоог нэмэгдүүлэх зорилго тээсэн тус үзэсгэлэнд Дэлгэрхаан сумын 13 сурагч, сурган хүмүүжүүлэгч өөрсдийн уран бүтээлээ дэлгэн оролцсоноороо онцлог болжээ.

"Хаадын зам" хээрийн үзэсгэлэн нь түүхэн дурсгалт орчин, байгалийн өв, монгол уран бичлэгийн урлагийг нэгтгэн толилуулсан өвөрмөц хэлбэрээрээ жилээс жилд өргөжиж, үндэсний соёлын үнэ цэнийг олон нийтэд сурталчлан таниулах, улмаар түгээн дэлгэрүүлэх чухал ажил болоод байна.