Шуурхай ажлын хэсгийн хуралдаанаар орон сууцны залиланд өртсөн иргэдийн хохирлыг барагдуулах асуудлыг хэлэлцэв

ХЗДХ-ийн сайд С.Амарсайханы тушаалаар байгуулагдсан шуурхай ажлын хэсгийн анхдугаар хуралдаан боллоо. Хуралдаанаар:

- Орон сууцны залиланд өртсөн иргэдийн хохирлыг барагдуулах асуудал;
- Авлигын хөрөнгийг хурааж, хүүхэд залуусын хөгжилд зориулсан санд төвлөрүүлэхтэй холбоотой багц хуулийн төсөл боловсруулах ажлын явц;
- Хүүхэд, залуусын төлөвшил, хүмүүжил болон үндэсний аюулгүй байдалд сөргөөр нөлөөлөх хортой контент;
- Олон нийтийг төөрөгдүүлж буй хуурамч хаяг, зохион байгуулалттай бүлэглэлийн эсрэг авч хэрэгжүүлж буй арга хэмжээ;
- Цаашид хэрэгжүүлэх шуурхай арга хэмжээний талаар хэлэлцлээ.

Шуурхай ажлын хэсэг дээрх асуудлуудаар холбогдох байгууллагуудын үйл ажиллагааг уялдуулж, асуудал бүрээр тодорхой арга хэмжээ авч, хэрэгжилтийг шуурхай хангахад анхаарч ажиллана.