Ерөнхий сайд Н.Учрал Япон улс дахь монгол иргэдтэйгээ уулзлаа

Монгол Улсын Ерөнхий сайд Н.Учрал Япон Улсад ажиллах үеэрээ тус улсад ажиллаж, амьдарч буй монгол иргэдийн төлөөлөлтэй уулзлаа.

Уулзалтаар Япон дахь монгол иргэдийн хөдөлмөр эрхлэлт, нийгмийн хамгаалал, суралцах боломж болон тулгамдаж буй асуудлын талаар санал солилцож, иргэдийн санал хүсэлтийг сонсож буй.

Мөн Монгол, Японы харилцаа, хамтын ажиллагааг өргөжүүлэх, хоёр улсын иргэд хоорондын харилцааг бэхжүүлэх, гадаадад ажиллаж, амьдарч буй монгол иргэдийн эрх ашгийг хамгаалах чиглэлээр хэрэгжүүлж буй бодлого, арга хэмжээний талаар мэдээлэл өгөв.

Ерөнхий сайд Н.Учралын Япон Улсад хийж буй айлчлалын хүрээнд хоёр орны эдийн засаг, бизнес, хөрөнгө оруулалт, хөдөлмөр эрхлэлтийн хамтын ажиллагааг өргөжүүлэх асуудалд анхаарч ажиллаж байгаа юм.