СДМЭХ-ны Ерөнхийлөгчид Д.Үүрийнтуяаг нэр дэвшүүллээ

Монгол Ардын намын дэргэдэх Социал Демократ Монголын Эмэгтэйчүүдийн Холбооны ээлжит бус Их хуралд Монгол Ардын намын дарга Н.Учрал оролцож СДМЭХ-ны шинэ Ерөнхийлөгчид УИХ-ын гишүүн Д.Үүрийнтуяаг нэр дэвшүүлж буйгаа танилцууллаа.

Д.Үүрийнтуяа нь төрийн албаны анхан шатны нэгжээс ажлын гараагаа эхэлсэн  бөгөөд төр, төрийн өмчит болон хувийн хэвшилд санхүү, эдийн засаг, удирдлагын чиглэлээр 20 гаруй жилийн турш тасралтгүй ажилласан, бодлого хэрэгжүүлэлтийн туршлагатай удирдагч юм. 

Социал Демократ Монголын Эмэгтэйчүүдийн Холбооны Ерөнхийлөгчид нэр дэвшигч Д.Үүрийнтуяагийн намтар, ажлын туршлагыг танилцуулъя. 

АЖЛЫН ТУРШЛАГА:

•    2003-2010 онд Говьсүмбэр аймгийн Мэргэжлийн хяналтын газарт, Санхүүгийн хяналт шалгалтын улсын байцаагч, Улсын ахлах байцаагч, Хэлтсийн дарга
•    2010-2013 онд Говьсүмбэр аймгийн Мэргэжлийн хяналтын газарт, Газрын дарга
•    2013-2016 онд “Сод Монгол Групп” ХХК, Орхон салбарын дарга
•    2016-2017 онд “Есөн буургачин “ ХХК, Гүйцэтгэх захирал
•    2017-2019 онд Эрдэнэт үйлдвэр ТӨҮГ, “Эрдэнэт үйлдвэр” ХХК–ийн Ерөнхий захирлын санхүү, эдийн засаг хариуцсан зөвлөх
•    2019-2022 онд “Эрдэнэт үйлдвэр” ТӨҮГ–ын Ерөнхий захирлын Санхүү, эдийн засаг хариуцсан орлогч
•    2022-2024 онд “Эрдэнэт үйлдвэр” ТӨҮГ-ын Тамгын Газрын дарга
•    2024 онд “Эрдэнэт үйлдвэр” ТӨҮГ-ын Захиргаа, удирдлага, санхүүгийн газрын дарга
•    2024 оноос Монгол Улсын Их Хурлын гишүүн

СОНГУУЛЬТ АЖИЛ:

•    2003 оноос МАН-ын гишүүн
•    2018 оноос МАН-ын дэргэдэх СДМЭХ-ны Удирдах Зөвлөлийн гишүүн 
•    2024 оноос МАН-ын дэргэдэх СДМЭХ-ны дэд ерөнхийлөгч
•    2021 оноос Монголын эмэгтэй инженерүүд, технологичид, математикчид, эрдэмтдийн нэгдсэн холбоо (МЭИТМЭ)-ны Удирдах зөвлөлийн гишүүн
•    2024 оноос Шинжлэх ухааны академийн бага чуулганы гишүүн
•    2010 оноос Монголын Мэргэшсэн Нягтлан бодогчдын Институтийн гишүүн
•    2018 оноос Татварын Мэргэшсэн Зөвлөхийн Нийгэмлэгийн гишүүн
•    2018-2022 Монголын Эмэгтэйчүүдийн Холбооны Удирдах Зөвлөлийн гишүүн
•    2019-2024 Монголын Эмэгтэйчүүдийн Холбооны Орхон аймгийн салбар зөвлөлийн тэргүүн 
•    2025 оноос МАН-ын Удирдах зөвлөлийн гишүүн