БНСУ-ын Ерөнхийлөгч Японд айлчилна

Гэрэл зургийг REUTERS агентлагийн онцгой эрхтэйгээр нийтлэв.

Өмнөд Солонгосын Ерөнхийлөгч Ли Жэ Мён энэ  сарын 13–14-нд Японд айлчилж, Ерөнхий сайд Санаэ Такаичитай дээд хэмжээний уулзалт хийхээр болов.
Уулзалт Нара хотод болох бөгөөд талууд энэ уулзалтаар бүс нутгийн асуудал, эдийн засаг, нийгмийн сэдвүүдийг хэлэлцэхээр төлөвлөсөн байна. Тодруулбал, Хойд Солонгосын цөмийн хөтөлбөр, Тайванийн хурцадмал байдал, Зүүн Хятадын тэнгисийн нөхцөл байдал зэрэг асуудлуудыг хэлэлцэх бололтой. 

Мөн хоёр улсын худалдааны тэнцвэр, технологи, дижитал эдийн засгийн хамтын ажиллагаа, хөрөнгө оруулалтын боломжуудыг хэлэлцэх нь гарцаагүй. Энэхүү дээд хэмжээний  уулзалт нь Өмнөд Солонгос, Японы харилцааг тогтвортойгоор хөгжүүлэх зорилготой гэж эх сурвалжууд онцолж буй.

Эх сурвалж: Reuters