ДАРХАН-УУЛ: Малтай өрхийн тоо 2017 болж цөөрчээ

Аймгийн хэмжээнд малтай өрхийн тоо 2025 онд буурчээ. 2024 оны жилийн эцсийн мал тооллогоор 2111 өрх малтай байсан бол 2025 оны жилийн эцэст 2017 болж 94 өрхөөр буурсан үзүүлэлттэй байна.

Үүнээс 50 хүртэлх малтай өрх 2024 онд 1244 байснаас 2025 онд 1314 болж 70 өрх буюу 5.6 хувиар нэмэгджээ.

Харин 52-200 хүртэлх малтай өрх 510-аас 480 болж 30 өрх буюу 5.9 хувь буурсан, 201-500 малтай өрх 218-аас 173 болж 45 өрх буюу 20.6 хувь, 501-999 малтай өрх 121-ээс 44 болж 77 өрх буюу 63.6 хувь, 1000-аас дээш малтай өрх 2024 онд 18 байсан бол 2025 оны жилийн эцсийн мал тооллогоор 6 болж 12 өрх буюу 66.7 хувиар тус тус буурсан үзүүлэлттэй байна.