М.Энхцэцэг: Айл, өрхүүд нарны панель, батарей тавиад хэрэглээгээ хангаад, илүүдэл цахилгаанаа түгээх компанид зарсан орлогоо сар бүр авдаг байх ёстой

“Ногоон Эрчим хүч ба Сэргээгдэх эрчим хүчний тархмал эх үүсвэр”-ийн хөгжлийг эрчимжүүлэх чиглэлийг засгийн газарт өгөх УИХ-ын тогтоолын төсөл батлагдсантай холбогдуулан УИХ-ын гишүүн М.Энхцэцэг мэдээлэл өглөө. 

"АЙЛ, ӨРХ ОРЛОГОО САР БҮР АВДАГ БАЙХ ЁСТОЙ
Айл, өрхүүд нарны панель, батарей тавиад хэрэглээгээ хангаад, илүүдэл цахилгаанаа түгээх компанид зарсан орлогоо сар бүр авдаг байх ёстой;

ЯАГААД САР БҮР ВЭ?
Энэ бол хүн эрчим хүчээ хэмнэх сэдлийг бий болгоно.
Жишээ нь нэг айл сардаа цахилгаан түгээх компаниас 200 мянган төгрөгний цахилгаан худалдаж авчээ, харин нарны системээрээ 70 мянган төгрөгийн цахилгааныг түгээх рүү заржээ гэж бодьё.
Энэ айл дараа сард нь яаж энэ 200 мянган төгрөгийн 150 мянган төгрөг болгож хэмнэлт гаргах вэ? Яаж энэ 70 мянган төгрөгийг 100 мянган төгрөг болгох вэ гэдэг чиглэлд анхаарлаа хандуулна. 
Иймд сар бүр тооцоог хийж, хэрэглэгчдэд хүргэж байх нь эрчим хүчийг хэмнэх сэдлийг бий болгох ач холбогдолтой юм."