Монгол,  Оросын  Засгийн газар хоорондын комиссын хуралдааны протоколд гарын үсэг зурлаа

Худалдаа, эдийн засаг, шинжлэх ухаан, техникийн хамтын ажиллагааны Монгол, Оросын Засгийн газар хоорондын комиссын ээлжит хуралдаан өнгөрсөн онд ОХУ-ын Москва хотноо болж байсан бол энэ удаагийн 27 дугаар хуралдаан  Улаанбаатар хотноо зохион байгуулагдлаа. 

Монгол Улсын Шадар сайд, Засгийн газар хоорондын комиссын Монголын хэсгийн дарга Х.Ганхуяг, ОХУ-ын Байгалийн нөөц, экологийн сайд, Засгийн газар хоорондын комиссын Оросын хэсгийн дарга А.А.Козлов нар хуралдааны протоколд гарын үсэг зурлаа. 

Мөн Монгол Улсын Соёл, спорт аялал жуулчлал, залуучуудын яам, ОХУ-ын Спортын яам хоорондын 2026-2028 оны биеийн тамир, спортын салбар болон Газар зохион байгуулалт, геодези зураг зүйн чиглэлээр хамтын ажиллагааг хөгжүүлэх төлөвлөгөөнд гарын үсэг зурж,  хамтран ажиллахаар боллоо.