Колумбид сургуулийн автобус осолдож, 17 хүн амиа алджээ

Гэрэл зургийг REUTERS агентлагийн онцгой эрхтэйгээр нийтлэв.

Колумбийн умард хэсгийн хөдөө сургуулийн сурагчид тээвэрлэж явсан автобус хавцлаас унасны улмаас 17 хүн нас барж, 20 хүн гэмтсэн талаар орон нутгийн захирагч мэдэгдлээ. Тодруулбал, тус улсын Антиокиа мужийн захирагч Андрес Хулианийн мэдээлж буйгаар, сургуулийн аяллаас буцаж явсан энэхүү автобусанд "Антиокеньо" хэмээх ахлах сургуулийн сурагчид байсан бөгөөд Карибын тэнгисийн эргийн Толу хотоос Медельин рүү явж байхдаа ийнхүү осолдсон байна. Ослын газарт холбогдох албаныхан ажиллаж, мөрдлөг, шалгалт хийж байгаа бөгөөд гэмтэж бэртсэн хүмүүсийг ойролцоор хотын эмнэлгүүд рүү яаралтай тээвэрлэн, тусламж үзүүлж байгаа аж. 

Эх сурвалж: Reuters