АНУ: 19 орны иргэдээс цагаачлалын өргөдөл авахаа түр зогсоолоо

Гэрэл зургийг REUTERS агентлагийн онцгой эрхтэйгээр нийтлэв.

АНУ Ерөнхийлөгч Дональд Трампын шийдвэрээр 19 орны иргэдээс цагаачлалын өргөдөл хүлээн авахаа түр зогсоож буйгаа зарлав. Үүнд цагаачлалаас гадна ногоон карт, иргэншил олгох өргөдөл ч хамаарч байна. Олон нийтийн аюулгүй байдлыг хангах үүднээс цагаачлалын хяналтыг чангатгахаар ийм арга хэмжээ авч буйгаа эрх баригчид онцолж байна. 

Энэ хүрээнд,

1. Афганистан,
2. Сомали,
3. Мьянмар,
4. Чад,
5. Конго,
6. Экваторын Гвиней,
7. Эритреа,
8. Гаити,
9. Иран,
10. Ливи,
11. Судан,
12. Йемен,
13. Бурунди,
14. Куба,
15. Лаос,
16. Сьерра-Леон,
17. Того,
18. Туркменистан,
19. Венесуэл зэрэг улсын иргэдээс цагаачлалын өргөдөл нэмж хүлээн авахгүй, одоо байгаа өргөдлүүдийг дахин нягтлах аж. 

Өнгөрсөн долоо хоногт Вашингтон хотод Афганистан гаралтай нэгэн эр Үндэсний гвардын цэргүүд рүү халдсан. Энэ халдлагын дараа эрх баригчид олон нийтийн аюулгүй байдлыг хангах, цагаачлалын хяналтыг чангатгах арга хэмжээ авахаа зарласны нэг нь 19 оронд тавьж буй уг хориг болж байна. 

Эх сурвалж: Reuters