Бэлгийн замаар дамжих халдварыг устгах цогц стратегийн зорилго, зорилтыг танилцуулав

Дэлхийн Эрүүл Мэндийн Байгууллагын Номхон далайн баруун эргийн бүс (НДББ)-ийн 13 орны эрүүл мэндийн салбарын эмч, мэргэжилтнүүдийг чадавхжуулах “Бэлгийн замаар дамжих халдварыг устгах цогц стратеги” сэдэвт ахисан түвшний сургалт Бүгд Найрамдах Хятад Ард Улсын Гуангжоу хотноо 2025 оны 10 дугаар сарын 25-наас 31-ны өдрүүдэд зохион байгуулагдаж байгаа юм. 

Монгол Улсаас оролцож буй салбарын мэргэжилтнүүд уг сургалтаас олж авсан мэдлэг, мэдээллээ бататган БЗДХ, ДОХ, ХДХВ-ийг илрүүлэх, оношлох, эмнэлзүйн менежментийн чиглэлээр 2026-2029 онд хэрэгжүүлэх хариу арга хэмжээний төлөвлөгөөгөөний төслийг танилцуулж, хэлэлцүүлээ.

Цогц стратеги төлөвлөгөөг баталж, хэрэгжүүлснээр халдварын тандал, хяналтын тогтолцоог бэхжүүлэн, БЗДХ-ын тархалтыг бууруулах, цаашлаад устгах зорилготой юм гэж ЭМЯ-аас мэдээллээ.