Афганистанд интернэтийг бүхэлд нь хаалаа

Талибаны Засгийн газар Афганистан даяар харилцаа холбоо, интернэтийг бүрэн хаажээ. “NetBlocks”  байгууллагын мэдээлснээр,  гар утасны дата, хиймэл дагуулын телевизийн нэвтрүүлэг хүртэл доголдож, гадаадын хэвлэлүүд Кабул дахь салбаруудтайгаа холбоо барьж чадахгүйд хүрсэн байна.

Үүнтэй холбоотойгоор нислэгүүд цуцлагдсан, саатсан тохиолдлууд ч нэмэгдэх төлөвтэй.
Талибаны албан тушаалтнууд ёс бус агуулгаас сэргийлэх зорилгоор интернэтийг хаасан гэх бөгөөд хэзээ сэргээх талаар тодорхой мэдээлэл өгөөгүй байгаа юм. 
Иргэдийн хувьд харин энэхүү шийдвэр нь бизнес, банкны үйлчилгээ авах, онлайн хичээл үзэх зэрэг өдөр тутмын амьдралд нь саад болох хүнд нөхцөл үүслээ  гэж үзэж буй. 

Эх сурвалж: ВВС