НОБГ: Объектын гал түймрийн 29 удаагийн дуудлага бүртгэгджээ

Гэрэл зургийг MPA.mn

Нийслэлийн хэмжээнд өнгөрсөн 7 хоногт нийт 36 удаагийн дуудлага бүртгэгдсэн бөгөөд үүнээс:
Объектын гал түймэр – 29
Аврах ажиллагаа – 7
Алба хаагчид дуудлагын дагуу үүрэг гүйцэтгэхдээ иргэн, аж ахуйн нэгж, байгууллагын  1 тэрбум 385 сая төгрөгийн өмч хөрөнгийг авран хамгаалсан. 

Аврах ажиллагаанаас – 4 иргэн 
Утаажилтын бүсээс –16  иргэн
Нийт – 20 иргэний амь насыг аюулаас аварч ажиллалаа.  Өнгөрсөн хоногт: 

Улаанбаатар хот, Чингэлтэй дүүрэг 12 дугаар хороо Байшин шатаж байна гэсэн дуудлагыг 19:43 цагт хүлээн авсан. Тус дүүргийн Онцгой байдлын хэлтсийн 10 дугаар ангийн алба хаагчдыг очиход, иргэн Ө-ын 7х6 метрийн хэмжээтэй байшингийн дээвэр хэсэг шатаж байсныг ажиллаж унтраасан байна.