НИЙГЭМ

Саиед Моллайн өмсгөлийн дуудах анхны үнэ 2.0 сая төгрөг

Т.МӨНХ-УЧРАЛ/NEWSWIRE.MN

2021-09-29

Токиогийн олимпын мөнгөн медальт, Монгол Улсын жүдо бөхийн үндэсний шигшээ багийн тамирчин Саиед Моллай Big Life for Lil Thug-E хандивын аянд нэгджээ.

Тэрбээр өөрийн гарын үсэгтэй өмсгөлөө хандивласан байна. Дуудлага худалдааны анхны үнэ 2,000.000 төгрөг бөгөөд маргааш оройны 22:00 цаг хүртэл үнийн санал авна гэж реппер Gee хэллээ. Тус хандив цусны цочмог хорт хавдартай тэмцэж буй дуучин Г.Төгөлдөр (Lil Thug E) очих аж.

“Одоо”, “Хавар”, “Анзаарахгүй” зэрэг дуунуудаараа сонсогчдынхоо хайр хүндэтгэлийг хүлээсэн реппер, ая зохиогч, продюсер Lil Thug E нь цусны цочмог хорт хавдартай болох нь оношлогдоод байгаа. Энэ өвчин нь Монголд эмчлэгдэх боломжгүй бөгөөд маш яаралтайгаар чөмөг шилжүүлэн суулгах мэс заслыг нэн даруй хийх шаардлагатай байгаа юм.