НИЙГЭМ

Монголд шонхор агнасан арабууд “Нутгийн иргэд хутга тулгаж мөнгө дээрэмдсэн” гэж худал мэдүүлжээ

Х.ЧИНГАРАГ/NEWSWIRE.MN

2021-09-29

Өнгөрсөн наймдугаар сард БОАЖЯ-ны зөвшөөрлөөр Төв аймгийн нутаг дэвсгэрт шонхор агнасан Арабын Нэгдсэн Эмират улсын иргэнийг нутгийн хүмүүс айлган сүрдүүлсэн хэрэг гарчээ.

Тодруулбал, Пакистан улсын иргэн В.М-ээс наймдугаар сарын 27-ны өдөр “Төв аймгийн Баян сумын Өгөөмөр бригадын нутаг дэвсгэрт үл таних хүмүүст дээрэмдүүллээ” гэх дуудлага мэдээллийг цагдаагийн байгууллагад ирүүлсэн байна. Тухайн үед шалгалтын ажиллагаа явуулахад, Пакистан улсын иргэн, 52 настай эрэгтэй В.М цэнхэр өнгийн мотоциклтой, үл таних хоёр хүн хутга тулган мөнгө дээрэмдсэн гэж мэдүүлсэн байна. Гэвч хэрэг хянах явцад түүнийг айлган сүрдүүлсэнээс бус дээрэмдсэн болох нь тогтоогдоогүй төдийгүй дуудлага өгсөн араб иргэн айж сандарсандаа худал хэлсэн гэж мэдүүлжээ.