"Улаанбаатар марафон 2025" олон улсын гүйлтэд нийт 7758 иргэн бүртгүүлээд байна

“Улаанбаатар марафон” олон улсын гүйлт нь Монгол улсад гүйлтийн спортыг хөгжүүлэх, гүйлтээр хичээллэгч, сонирхогч иргэдийн тоог нэмэгдүүлэх, өсвөр, залуу үеийнхэнд өөрийн дотоод нөөц боломжийг нээж, зорилгодоо хүрэх тэсвэр хатуужил, бие бялдрын болон оюун санааны өв тэгш хүмүүжлийг төлөвшүүлэх, иргэдийг өдөр тутмын биеийн тамираар хичээллэх идэвх санаачлагыг дэмжсэн, гадаад, дотоодын нийтдээ 30 мянга гаруй иргэдийг хамруулдаг иргэдийн хүсэн хүлээдэг томоохон арга хэмжээний нэг юм.  
Нийслэлийн Засаг даргын 2025 оны А/402 дугаар захирамжаар “Улаанбаатар марафон - 2025” олон улсын гүйлтийг 2025 оны 05 дугаар сарын 24-ний өдөр нийслэл хотод Х удаагаа зохион байгуулахаар бэлтгэл ажил 80 хувьтай хангагдаж байна. 

Энэхүү гүйлтийг бүтэн марафон буюу 42 км (18-аас дээш нас, тусгай хэрэгцээт иргэдийн), хагас марафон буюу 21 км (18-34, тусгай хэрэгцээт иргэдийн, 35-54, 55-аас дээш нас), 10 км, 5 км (12-17 нас, 18-аас дээш насны эрүүл мэндийн гүйлт), 1,5 км (хараагүй, тэргэнцэртэй тусгай хэрэгцээт иргэдийн, гэр бүл), 0.8 км, 0.5 км (тусгай олимпийн төрлийн) гэсэн зай, төрлөөр зохион байгуулна. 

“Улаанбаатар марафон-2025” олон улсын гүйлтийн онлайн бүртгэл, хураамжийг 2025 оны 04 дүгээр сараас 01-ний өдрөөс 05 дугаар сарын 20-ны өдрийн 17:00 цаг хүртэл http://ulaanbaatar.marathon.mn цахим хуудас, hipay аппликэйшнаар явуулж, 5 км-ийн зайд оролцогчийн баталгаажуулалт, энгэрийн дугаар олгох ажлыг дараах 12 штабт зохион байгуулж байна. 

I.Нийслэлийн Биеийн тамир, спортын газар
42км, 21км, 10км - бүртгэлийг баталгаажуулж, энгэрийн дугаар, чип, футболк олгоно.
Утас: 976-11-312785, 976-80732417, 976-90098082

Нэгдүгээр байршил:
Хаяг: Улаанбаатар хот, Хан-Уул дүүрэг, 23 дугаар хороо, Наадамчдын зам, Нийслэлийн нутгийн захиргааны байгууллагуудын цогцолбор “Б” байр, 1 давхар, 113 тоот шилэн өрөө  
Утас: 7766-7700, 976-7000-2785, 7766-7700, 

Хоёрдугаар байршил:
Хаяг: Улаанбаатар хот, Сүхбаатар дүүрэг, 8 дугаар хороо, Спортын төв ордон, 1 давхар, 25 тоот өрөө  
Утас: 94010003, 99039159

II.Дүүргүүдийн Биеийн тамир, спортын хороод – 5 км-ийн бүртгэлийг баталгаажуулж энгэрийн дугаар олгоно. 
1.Баянгол дүүргийн Биеийн тамир, спортын хороо
Хаяг: БГД, 4-р хороолол, 15-р хороо, Хасбаатарын гудамж
Утас: 70141983, 91990368, 99391217

2.Баянзүрх дүүргийн Биеийн тамир, спортын хороо
Хаяг: БЗД, 41-р хороо, Ангорын байр, 3-н давхарт, 314 тоот (“Отгонтэнгэр” сургуулийн баруун талд)
Утас: 11-450511, 88110981, 99028538

3.Сонгинохайрхан дүүргийн Биеийн тамир, спортын хороо
Хаяг: СХД, 34-р хороо, Орбит-1, Найрамдалын зам, Спорт цогцолбор 
Утас: 70176348, 99155846, 88067796
4.Сүхбаатар дүүргийн Биеийн тамир, спортын хороо
Хаяг: СБД, 8-р хороо, 11-р хороолол, Их тойруу, Авто плазагийн баруун талд, “N tower” барилга, 7 давхар, 708 тоот
Утас:11-315651, 91148009, 91860660, 88085975       

5.Хан-Уул дүүргийн Биеийн тамир, спортын хороо
Хаяг: Хан-Уул дүүргийн 20 дугаар хороо, Чингисийн өргөн чөлөө, Хан-Уул дүүргийн иргэдэд үйлчлэх төв байрны урд өөрийн байр, 2 давхарт
Утас: 344783, 86974169, 99108616

6.Чингэлтэй дүүргийн Биеийн тамир, спортын хороо
Хаяг: ЧД, 10-р хороо, Дэнжийн мянга, Э.Галданбошготын гудамж,  751 тоот
Утас: 77773113, 94940598, 90535588

7.Налайх дүүргийн Биеийн тамир, спортын хороо
Хаяг: НД, 7-р хороо, Спорт цогцолбор, 3 давхарт, 304 тоот 
Утас: 70233601, 89130213, 88017941

8.Багануур дүүргийн Биеийн тамир, спортын хороо
Хаяг: БНД, 5-р хороо, Залуус хэсэг, Эрүүл мэндийн төвийн зүүн талд
Утас: 7021-3435, 99407709, 99704438

9.Багахангай дүүргийн Биеийн тамир, спортын хороо
Хаяг: БХД, Өндөртолгой, 1-р хороо, өөрийн байр, 101 тоот
Утас: 70491280, 96770415, 99267144

Маршрутын дагуу дүүргүүдийн үйл ажиллагаа явуулах байршил

СБД - Жанжин Д.Сүхбаатарын талбай “Централ тоуэр”-ын уулзвараас “Нарантуул” захын уулзвар;
СХД -  Жанжин Д.Сүхбаатарын талбайн төв гараа, бариа;
ЧД – Хөгжим бүжгийн сургуулийн уулзвараас И-март их дэлгүүрийн уулзвараар баруун эргэж Монгол бөхийн өргөөний арын уулзвар хүртэл;
БГД – Төв шуудангийн уулзвараас баруун эргэж – “Зоос гоёл”-ын уулзвар – Хөгжим бүжгийн сургуулийн уулзвар хүртэл;
БЗД – “Нарантуул” захын уулзвараас зүүн эргэж Тунель, “Шинэ зуун айл” худалдааны төвийн урдуур Улиастайн гүүрний урд тал Дугуйн замын төгсгөлийн амралтын талбай хүртэл;
ХУД – Их Монгол Плазагийн уулзвараас Гадаад хэргийн яамны уулзвар хүртэл.

Энэхүү олон улсын гүйлтэд 2025 оны 05 дугаар сарын 13-ны байдлаар нийт 7758 иргэн бүртгүүлсэн, үүнээс 42 км-т 197, хөгжлийн бэрхшээлтэй тамичдын ангилалд 3 тамирчин, 21км-т 18-34 насны ангилалд 717, 35-54 насны ангилалд эрэгтэй 463, 55-аас дээш насны ангилалд 65, хөгжлийн бэрхшээлтэй тамичдын ангилалд 18, 10 км 18-аас дээш насны ангилалд 1342 нийт 2805 гүйгч бүртгүүлээд байна. 

Мөн 5км-ийн зайн 12-17 насны ангилалд 936 хүүхэд, 18-аас дээш насны эрүүл мэндийн гүйлтэд 3259 иргэн бүртгүүлээд байна. “Улаанбаатар марафон 2025” олон улсын гүйлтийн 1,5 км-ийн харааны бэрхшээлтэй 10, тэргэнцэртэй 6 хүн, гэр бүлийн ангилалд 631, тусгай олимпын 500м, 800м зайд нийт 116 хүн бүртгүүлээд байна.

Австри, Австрали, Азербайжан, Америк, Англи, Андорра, Ардчилсан Солонгос, Беларусь, Вьетнам, Герман, Индонез, Ирланд, Испани, Казакстан, Камбож, Канад, Кени, Өмнөд Африк, Өмнөд Солонгос, ОХУ, Польш, Сингапур, Тайван, Тайланд, Франц, Хонгконг, Хятад, Швед, Филиппин, Финланд, Энэтхэг, Этиоп, Япон нийт 34 орны төлөөлөл 312 гадаадын иргэн бүртгүүлээд байна гэж холбогдох албаны хүмүүс мэдээллээ. 

Гэрэл зургийг MPA.mn