Өмнөд Солонгосын засгийн газар ерөнхийлөгчийн сонгуулийг зургадугаар сарын 3-нд явуулахаар товложээ

Өнгөрсөн долоо хоногт Өмнөд Солонгосын Үндсэн хуулийн шүүх Ерөнхийлөгч Юн Сук Ёолыг богино хугацаанд цэргийн дэглэм тогтоосных нь төлөө огцруулах шийдвэр гаргасан билээ.

Тэгвэл тус улсын засгийн газар ерөнхийлөгчийн ээлжит бус сонгуулийг зургадугаар сарын 3-нд явуулахаар товлосон талаар “Yonhap” агентлаг даваа гарагт мэдээлсэн байна.

Засгийн газрын эх сурвалжийн хэлснээр мягмар гарагт болох хуралдаанаар уг шийдвэрийг албан ёсоор батлах гэнэ.

Тус улсын хуулиар одоогийн ерөнхийлөгч нас барсан эсвэл албан тушаалаасаа чөлөөлөгдсөн тохиолдолд 60 хоногийн дотор Ерөнхийлөгчийн сонгуулийг явуулахаар заасан байдаг.

Эх сурвалж: Reuters