Монголын Хүүхдийн спортын өвлийн VIII наадам үргэлжилж байна

Монголын хүүхдийн спортын өвлийн VIII наадам энэ өдөр шорт-трейк, хоккей, гүйлтийн цана (сонгомол) төрлөөр зохион байгуулагдана.

Монголын хүүхдийн спортын өвлийн 8-р наадмын гүйлтийн цанын тэмцээн Эрдэнэт хотын Сархиа цанын баазад 2 дахь өдрөө үргэлжилж байна.

Наадмын эхний өдөр тэших техникээр уралдах төрлийн 4 насны ангиллын нийт 8 уралдаан болж шилдгүүдээ тодруулсан бол өнөөдөр сонгомол төрлийн тэмцээн эхэллээ. 

Энэ төрөлд 17-18 насны хөвгүүд 10км, охид 5 км уралдах бол 11-16 насны охид, хөвгүүд 1.5-5 км зайд уралдана. 

Наадмын гүйлтийн цанын тэмцээнд орон нутгаас олон баг оролцож байгаа бөгөөд нийт 100 орчим тамирчин хурд сорих юм. Маргааш охид хөвгүүдийн буухиа уралдаанаар гүйлтийн цанын тэмцээн өндөрлөнө.

ХУВААРЬ: 2025.02.18

Улаанбаатар хот
Хоккей~ Чингэлтэй дүүрэг БТСГ
Шорт-Трейк~ Хандгайт

Эрдэнэт хот
Гүйлтийн цана~ Сархиа цанын бааз