ХӨТӨЧ: Менингококкт халдвар ба нас баралт

Менингококкт халдвар нь Neisseria meningitidis нянгаар үүсдэг бөгөөд эмчилгээ хожимдвол амь насанд аюултай үр дагаварт хүргэдэг. Нас баралт өндөртэй, хурдан хүндэрдэг учраас яаралтай эмчилгээ шаардлагатай.

Менингококкт халдварын нас баралтын түвшин

• Эмчилгээ хийгдээгүй тохиолдолд нас баралт 50% хүртэл хүрч болзошгүй.
• Эрт эмчилгээ авсан ч гэсэн 10-15% нь нас бардаг.
• Хүнд хэлбэрийн септицеми (цусны халдвар)-ийн үед нас баралт 40% хүрч болно.
• Амьд үлдсэн хүмүүсийн 20% нь ампутац (гар, хөлийн тайралт), мэдрэлийн гэмтэл, сонсгол алдагдал зэрэг хүнд хэлбэрийн хүндрэлтэй үлддэг.

Нас баралтад нөлөөлөх хүчин зүйлс

1. Эрт оношлогдох эсэх – Хэрэв эхний 24 цагийн дотор оношлогдож, антибиотик эмчилгээ эхэлбэл амьд үлдэх магадлал өндөр.
2. Менингит ба септицемийн хэлбэр – Цусан дахь хүнд халдварын үед нас баралт илүү өндөр байдаг.
3. Дархлаа сул байх – Жирэмсэн эмэгтэйчүүд, бага насны хүүхдүүд, дархлаа дарангуйлагдсан хүмүүс илүү их эрсдэлтэй.
4. Эмнэлгийн тусламж авах хурд – Зарим оронд эмнэлгийн үйлчилгээ хүртээмжгүйгээс үүдэн нас баралт өндөр байх магадлалтай.

Ямар үед нас барах эрсдэл өндөр байдаг вэ?

-Шуурхай антибиотик эмчилгээ хийгдээгүй үед
-Хүүхэд, өндөр настан, дархлаа султай хүмүүс өвдсөн үед
-Хэт хурдан хүндэрсэн хэлбэр (фулминант менингококкт септицеми) тохиолдсон үед
-Оношлох хугацаа хожимдсон үед

Урьдчилан сэргийлэх нь хамгийн чухал!

-Менингококкт вакцин хийлгэх
-Халдвартай хүнтэй ойр хавьтахгүй байх
-Гараа тогтмол угаах, эрүүл ахуй сахих
-Дархлаагаа дэмжих, зөв хооллох

Менингококкт халдвар нь маш өндөр нас баралттай, аюултай өвчин юм. Тиймээс шинж тэмдэг илэрсэн тохиолдолд аль болох эрт эмчид хандах, вакцин хийлгэж урьдчилан сэргийлэх нь хамгийн зөв арга юм.