Мөрдөгчид Өмнөд Солонгосын ерөнхийлөгчийг баривчлахаар өргөө рүү нь нэвтэрчээ

Авлигатай тэмцэх газрын мөрдөгчид Өмнөд Солонгосын Ерөнхийлөгч Юн Сук Ёолыг баривчлахаар ерөнхийлөгчийн ордонд нэвтэрч, түүний дэмжигчид цагдаа нартай мөргөлдөж, баривчилгааг таслан зогсоохоор оролдож байна. 

Юныг арванхоёрдугаар сарын 3-нд богино хугацаанд цэргийн дэглэм тогтоосных нь төлөө эрүүгийн хэрэг үүсгэн шалгаж, мягмар гарагт Сөүлийн шүүх баривчлах зөвшөөрөл өгсөн юм.

Хэвлэлд бичсэнээр түүний хэргийг шалгаж буй багийг ахалж байгаа өндөр албан тушаалтнуудын авлигын хэргийг мөрдөн шалгах “CIO”-ийн албан тушаалтнууд өглөөний 07:00 цаг өнгөрөөд Юны баривчлахаар өргөөнийх нь гадаа ирсэн байна. 

“Yonhap” агентлагийн мэдээлснээр баривчлах ажиллагаанд зориулж 3,000 орчим цагдаагийн алба хаагчийг дайчилжээ.

Өмнө нь нэгжлэг хийхээр ирсэн мөрдөн байцаагчдад саад болж байсан Ерөнхийлөгчийн хамгаалалтын алба баривчлах ажиллагааг зогсоохоор оролдох эсэх нь тодорхойгүй байна.

Үүр цайхын өмнөхөн Юны өргөөний гадаа жагсагчид цугларсан бөгөөд баривчлах захирамжийг удахгүй хэрэгжүүлж магадгүй гэсэн мэдээний дараа тэдний тоо хэдэн зуугаар нэмэгджээ.

Эх сурвалж: Reuters