Ерөнхий сайд Л.Оюун-Эрдэнэ эрүүл мэндийн шалтгаанаар БНСУ руу явжээ

Монгол Улсын Ерөнхий сайд Л.Оюун-Эрдэнэ 2024 оны арванхоёрдугаар сарын 1-9-нд Саудын Арабын Хаант Улсын Эр-Рияд хотноо зохион байгуулагдах Цөлжилттэй тэмцэх тухай НҮБ-ын конвенцын Талуудын 16 дугаар бага хуралд (UNCCD COP16) оролцоод ирсэн. 

Гэвч Ерөнхийлөгч У.Хүрэлсүхийн Засгийн газрын сайдууд, УИХ дахь намуудын бүлгийн дарга нартай хийсэн өчигдрийн уулзалтад оролцоогүй юм. Зарим эх сурвалжийн мэдээлж буйгаар түүнийг БНСУ руу явсан гэх мэдээлэл байгаа бөгөөд энэ тухай Засгийн газрын Хэвлэл мэдээлэл, олон нийттэй харилцах газраас "Ерөнхий сайд айлчлалаа дуусгаж ирээд Солонгос явсан нь үнэн. Хувь хүний эрүүл мэндийн асуудлыг мэдээллэх боломжгүй" гэсэн хариу өглөө.